Umar Xayyom 1 library ziyonet uz/ Ruboiyot Umar Xayyom u mar X ayyom (1048—1131)

Ruboiy ot
Umar Xayyom 
41 
library.ziyonet.uz/ 
Sevgan boʻlar erdi uni har kimsa beshak. 
Ustun esa dunyoda adolat rasmi, 
Dono dili aslo ogʻrimas erdi demak. 
174 
Ey doʻst, neki sir boʻlsa, oʻzing ogohsen, 
Bas, nega chekursan bu qadar koʻp oh sen? 
Yurmas yoʻrigʻingdan bu falak gʻildiragi, 
Shukr ayla tirikliging uchun goh-goh sen... 
175 
Bir qatra sharob masnadi
[46]
 Qobusdan
[47]
 xoʻb! 
Ham taxti Qubodu
[48]
 mulkati Tusdan xoʻb! 
Har nolaki, subhidamda chekmish rindlar, 
Ming toati ul zohidi solusdan
[49]
 xoʻb! 
176 
Bizlarni halok etdi gʻami hijroning, 
Qoʻlim sira qoʻyvormas edi domoning. 
Ketding-u, halok boʻldi gʻamingdan ming dil, 
Kelding yana ming jon sening qurboning! 
177 
Xayyom, gunoh deb bu qadar motam ne? 
Chekmoq kamu koʻp naf’i sabab alam ne? 
Gar boʻlmasa hech bir gunoh — afv nechun? 
Gar afv gunoh uchun ekan, bas, gʻam ne? 
178 
Kim ketdi jahondan ilgari, ey soqiy, 
Tuproq aro yitdi bari, ey soqiy. 
Haq soʻzni eshit mendan-u, bor, bodani ich, 
Sovruldi shamolga soʻzlari, ey soqiy... 

---

Ruboiy ot
Umar Xayyom 
42 
library.ziyonet.uz/ 
179 
To bor ekan imkoning qoʻlingda zinhor, 
Yod ayla azizlar xotirini, dildor. 
Husn davlati hech kimga vafo qilgan emas, 
Zor yigʻlatib bir kun seni ham ketmogʻi bor... 
180 
Shodlik tilama, umring davom etmas uzoq, 
Jamshid ila Kayqubod xoki bu tuproq. 
Ahvoliga bu jahonni(ng) boqsang, koʻrasan: 
Uyquyu xayolu hiyladir boshdan-oyoq... 
181 
Ranju alamim garchi mening koʻpdan-koʻp, 
Ayshu tarabing sening tuganmas — bir toʻp. 
Hech bitgasiga suyanma, bu mutribi charx 
Koʻrsatar emish pardada ming nagʻma xoʻp... 
182 
Ul mayki, hayoti jovidoniydir — ich, 
Sarmoyai lazzati javoniydir
[50]
 — ich. 
Otash kabi yondirguchi ul, lek gʻamni 
Qilgʻuvchi ziloli zindagoniydir
[51]
 — ich. 
183 
Oh, tushdi chekimga meni(ng) sarxushligu may, 
Qoʻzgʻoldi ham el ichra malomat talay. 
Boʻlgandami har haromda mayning isi, 
Topilmas edi jahonda bir hushyor, hay... 
184 
Kun yaxshi, havo boʻlsa na sovuq, na iliq, 
Gulzor yuzidan yuvdi bulut changni toʻliq. 
Bulbul-chi, sariq gul bila oʻzni unutib, 

---