Ulıwma orta bilim beriw mektepleriniń 7-klası ushın sabaqlıq

3. Abzactan pısıqlawıshlardı tabıń. 
Nızamshılıq hákimiyatı mámleket hákimiyatınıń áhmiyetli quram bólegi bolıp, onı 
qáliplestiriw mámleket hákimiyatınıń pútkil sistemasınıń tariyxıy evolyuciyası menen 
baylanıslı.
?

---

191
Tapsırma 1.7. 
Tómendegi tekstten pısıqlawısh hám ayqınlawıshlardı tabıń. 
Ayqınlawıshlar ayqınlanıwshı aǵzanı qanday mánide túsindirip 
kelgenligin aytıń.
Qaraqalpaq muzıka mádeniyatı bay hám tereń tariyxıy dereklerge iye. Onıń 
kompozitorlıq dóretiwshiligi XX ásirde payda boldı. Bul baǵdarda belgili baqsı, 
sazende, melodist-kompozitor J.Shamuratov óz úlesin qosqan edi. Bul insannıń 
tınımsız izleniwleri nátiyjesinde qaraqalpaq muzıkasında nota jazıw dástúrleri 
rawajlanıp, kamer-vokal janrında dáslepki muzıkalı shıǵarmalar dóretile basladı. 
Kompozitor Japaq Shamuratovtan keyin N.Muxammedinov, Á.Sultanov, X.Turdıqulov 
sıyaqlı kompozitorlar muzıka álemine kirip keldi. 
1980-jılları jas áwlad kompozitorları qádem bastı desek, kompozitor 
Qurbanbay Zaretdinovtıń dóretiwshiligi haqqında toqtamay ótip ketiw múmkin 
emes. Kegeyli rayonında dúnyaǵa kelgen jas Qurbanbay mektepte oqıp júrgen 
gezlerinen-aq háweskerler dógeregine qatnasıp, rubab, akkerdyon sıyaqlı ásbaplardı 
shertip, notalardı ózlestire baslaydı. 1975-jılı konservatoriyanı tamamlap, Nókis 
mámleketlik kórkem óner bilim jurtına xor dirijyorlıǵı bólimine oqıtıwshı bolıw 
menen birge «Berdaq» muzıkalı dramasın saxnalastırıwda qatnasadı.
1987-jılı bolsa, Berdaq atındaǵı Qaraqalpaq mámleketlik filarmoniyasına 
orkestrdiń bas dirijyorı bolıp, birinshi qaraqalpaq milliy operası – «Ájiniyaz» 
operasınıń saxnaǵa qoyılıwına salmaqlı úles qosadı.
(Gazetadan)
!
Is-háreketti (bayanlawıshtı) orın, waqıt, sın, muǵdar-dáreje, sebep-
maqset hám t.b. mánilerde sıpatlaytuǵın ekinshi dárejeli aǵzaǵa pısıqlawısh 
delinedi. Pısıqlawıshlar