Улыума пед лекция

5. Reyting sistemasinda oqiwshilar bilimin  baxalaw1  

Ma`jbu`riy  standartli    baqlaw  jumisi  (MSBJ)  baxalawda    tekseriletug`in  bilim,  eplilik, 

ko`nlikpe (BEK) Element-lerinin` xa`r biri olardin` sanina qaramastan 5 ball menen baxalanadi. 

Orinlang`an  BEK  Elementlerinin`    ballar  qosin-disi  MSBJ  dag`i    Elementler  sanina    bo`linip, 

ortasha    ma`nisi  shig`ariladi  xa`m  do`n`geleklenedi.  Usi    do`n`geleklengen  ball  baqlaw 

jumisinin`  xaqiyqiy  bali esaplanadi. Xa`r bir  oqiw pa`ni  boyinsha  shereklik  standart  reyting 

bali (ShSRB) sherekte (yarim jilliqta) o`tkeriledi. Ol barliq  MSBJ qosindisi sipatinda aniqlanadi. 

Orinlanbag`an  BEKlerdi  toltiriw  maqsetinde  toliqtiriwshi    soraw  o`tkeriledi  xa`m    oqiwshig`a 

toliqtiriwshi  ball (TB) qoyiladi. Sherek juwmag`inda  oqiwshilardin`  alg`an barliq  toliqtiriwshi  

ballari    (TB)  esaplanadi  xa`m  ol    oqiwshinin`    shereklik    reyting  balinin`    ekinshi    tiykarg`i  

komponenti    bolip  tabiladi.  Ku`ndelikli    baqlaw    barisinda    xa`r  tu`rli    tapsirmalardi  orinlaw 

arqali    toplang`an  ballarda  shereklik    reyting    balinin`    quramina  kiredi.  Toliq    orinlang`an 

do`retiwshilik  jumis 5 ball, kemshilikleri  bolsa 4 ball  menen baxalanadi. 

Oqiwshinin`    shereklik    xaqiyqiy    reyting  bali  (ShXRB)  to`mendegi  ta`rtipte  shig`ariladi. 

Shereklik  xaqiyqiy    rey-ting  bali  (ShXRB)  ma`jbu`riy  standart  baqlaw  jumislarin  (MSBJ)  da 

xa`m  toliqtiriwshi    ball  (TB)  da  oqiwshinin`    alg`an  xaqiyqiy    ballari    qosindisina    xa`m 

ku`ndelikli  ballari-nin`  ortasha    do`n`geleklengen  ma`nisi  xa`m  do`retiwshi  jumis  bali  qosilip 

o`tkerilgen  baqlawlar  sanina    bo`linedi.  (Baqlawlar  sani    MSBJ  sani,  bir  KB  xa`m    bir  DIB 

qosindisinan  ibarat). 

Oqiwshinin`    jilliq  xaqiyqiy    reyting  bali  (JXRB)  oqiw  pa`ni  boyinsha  shereklik  (yarim 

jilliq) reyting  bal-larinin` orta ma`nisine  ten` boladi. 

Oqiwshilardi  klasstan-klassqa  o`tkeriwde  jilliq  reytingi  aniqlanadi  xa`m  oqiwshini 

klasstan-klassqa    o`tkeriw  xaqqinda  mektep  pedagogikaliq  ken`esinin`  qarari  shig`ariladi. 

Ma`mleketlik    attestatsiya    juwmaqlarina  qaray  mektep  pitkeriwshilerine  juwmaqlawshi 

attestatsiyanin`  na`tiyjelerine    xa`m    xa`r  bir    oqitilg`an    oqiw  pa`ni  boyinsha    jilliq    xaqiyqiy 

reyting  balinan  (JXRB)  shig`arilg`an  ortasha    ball  do`n`geleklengen  xalda  Ma`mleketlik 

u`lgidegi  guwaliqqa  qoyiladi.  Pitkeriwshige    guwaliq  penen  birge    bilim  aliwdi    akademiyaliq 

litsey yaki ka`sip-o`ner kolledjinde dawam ettiri-wi xaqqinda  usinisnama tapsiriladi.