Улыума пед лекция

2. Reyting tekseriw xa`m baxalaw sistemasinin`  atqaratug`in xizmeti 

Reyting sistemasi to`rt tu`rli xizmet atqaradi: tekse-riwshi, bilim beriwshi, ta`rbiyalawshi 

xa`m  rawajlandiriwshi.  Tekseriwshi  xizmet  reyting  sistemasinin`  atqaratug`in    barliq 

xizmetlerinin`  ishinde  en`  basli  xizmet  bolip  tabiladi.  Bilim  beriwshi,  ta`rbiyalawshi  xa`m 

rawajlandi-riwshi  xizmetler  reyting  sistemasinin`  janapay  xizmeti  esaplansada  olar  qatar 

mashqalalardi sheshiwge og`ada zor ja`rdem beredi. 

---

Tekseriw  xa`m  baxalawdin`  atqaratug`in    bul  to`rt  xizmeti  milliy    ta`lim-ta`rbiyanin`  

maqsetine, oqiwshilardin` bilimdi iyelew basqishlarina AB, KB, JB, sirtqi  xa`m ishki tekseriw 

tu`rlerine baylanisli xa`r tu`rli ju`zege shig`adi, geypara jag`daylarda ayriminin` xizmeti basimda 

keledi.  

Reyting  sistemasinin`    tekseriwshi xizmeti xa`r  bir  oqiwshinin`  xa`m  klass  ja`ma`a`tinin` 

ma`mleketlik  bilimlendiriw  standarti  talaplarin  orinlawinin`  xa`m  onin`    tiykarinda  du`zilgen 

oqiw  bag`darlamasi  materiallarin  o`zlestiriwinin`  sapasin,  aldag`i  waqitta  bilim,  eplilik, 

ko`nlikpelerdi  iyelewdegi  mu`mkinshiliklerdi  aniqlawdan  ibarat.  Al,  bilim  beriwshi  xizmeti 

bilim, eplilik, ko`nlikpelerdi tekseriw xa`m baxalawdin`  barliq  oqiwshilar ushin paydali boliwin 

talap etedi. Ta`rbiyalawshi  xizmeti oqiwshilarda  joqari insaniyliq  paziyletlerdi qa`liplestiriwdi 

maqset etedi. Rawajlandiriwshi xizmeti  bilim beriwshi xa`m ta`rbiyalawshi xizmetleri menen 

tig`iz  baylanista    oqiwshilardin`  psixikaliq  sipatlarin,  biliw  ku`shleri  menen    biliw  uqipliqlarin, 

o`z betinshe erkin pikirlewin, do`retiw-shilik aqil-oyin, xarakter qa`siyetleri menen erk sipatlarin 

jetilistiriwdi ko`zde tutadi.