«Улы7ма техникалы3 п1нлер» кафедрасы о3ыты7шыларыны4 2011-2012- о3ы7 жылыны4 ы-ярым жыллы2ында 5тету2ын саба3лар кестеси

Islep shiǵariw mashinalarında islegende órt qáwipsizligi

Islep shig’ariw mashinalarında jumıs islegende elektr o`tkizgishlerdin` qısqa jalg`anıwında jalın shıg`ıwına abaylı bolıw, dvigateldin` gaz trubalarınan ushqın shıg`ıwına, dvigateldin` nasazlıqlarına, mashinanın` qızg`an bo`limlerine saban, jem, paxta talalarının` tu`sip qalıwına, o`rtke qarsı qa`wipsizlik ko`rsetpelerin orınlamaw o`rt kelip shıg`ıwının` tiykarg`ı sebepleri bolıp esaplanadı. Tiykarg`ı profilaktika (aldın alıw) talaplarınan biri maylaw ha`m janılg`ı sistemalarının` texnikalıq sazlıg`ı, may ha`m janılg`ının` ag`ıp qalıwına jol qoymaslıq bolıp esaplanadı. Garajlarda mashinalardın` turıw (saqlaw) ornı, xızmet ko`rsetiw maydanı, janılg`ını quyıw ha`m saqlaw skladların, garajlarda jang`ın qa`wipsizliginin` ko`p bolıwına alıp keledi. Mashinalardı sonday etip qoyıw kerek, avariya sa`dir bolg`anda olardı ko`shiriw qolay bolıwı kerek. O`rt bolıwın ha`m tarqalıwın eskertiw ushın garajlar, imaratlar, skladlar ortasında o`rtke qarsı aralıqlar talabına tuwrı keliwi kerek. Ashıq maydanlarda saqlawda imaratlar aralıg`ı 20 m den kem bolmaslıg`ı, avtomobil, traktorlar aralıg`ı imarat diywalına shekem 10 m den, o`rtke qarsı diywalg`a shekem 2 m den kem bolmaslıg`ı kerek. Garajlarda nasaz mashinalardı qoyıw, o`tiw jolları, darwazaların o`rt kranları yamasa suw ha`wizlerine barıw jolların tosıp qoymaslıq, xanalarg`a belgilengen normadan artıq mashinalardı qoymaslıq, dvigatellerdi ashıq jalın menen qızdırmaslıq, traktor, avtomobil ha`m xojalıq mashinalarında pishen, paxta ha`m basqa janıwshı na`rselerdi saqlaw, garaj maydanında ha`m remontlaw ustaxanalarında ot jag`ıw, shıg`ındılardı, taslandıqlardı jag`ıw ha`m artıw-tazalaw materiallarınan paydalanıw qadag`an etiledi. Bular ushın arnawlı orınlar ajıratıladı. Garajda ha`r bir xızmetker o`rt kelip shıqqanda nelerge itbar beriw kerekligin biliwi kerek. Mashinalar janılg`ı menen dvigatel islemey turg`anda toltırıladı. Sonda janılg`ı to`gilmesten quyılıwı kerek. Traktor, kombaynlardın` dvigatellerindegi gaz shıg`ıw trubaları ushqın so`ndirgish yamasa ushqın tosıqları ha`m tu`rleri menen qurallanıwı kerek. Dvigatelde qurıg`an pishe, ot, paxta talaları ha`m qaldıqları qızg`an orınlarda toplanıp qalıwı o`rt kelip shıg`ıwına sebep boladı. Akkumulyator, starter, generatorlardın` sım jalg`anatug`ın bo`limleri qısqa jalg`anıp qalmaslıg`ı ushın tok o`tkiziwshi bo`limleri toplanıp qalmaslıg`ı kerek.

5.