«Улы7ма техникалы3 п1нлер» кафедрасы о3ыты7шыларыны4 2011-2012- о3ы7 жылыны4 ы-ярым жыллы2ында 5тету2ын саба3лар кестеси

Tema: Islep shiǵariwda elektr qáwipsizligi tiykarlari.
R E J E :

1. Ulıwma maǵlıwmatlar. Elektr tokınan jaraqatlanıw qáwipi.

2. Elektr tokı tásiriniń qáwipliligine qaray xanalardıń

bólistiriliwi.

3. Jerge jalǵaw.

4. Statikalıq elektr tokınan saqlanıw.

1. 
   Ulıwma mag`lıwmatlar. Elektr tokınan jaraqatlanıw qáwipi.
   

Elektr toki miynetti jeńillestiriw menen bir qatarda, adamnıń den sawlıǵına hám ómirine júdá úlken qáwip keltiriledi. Basqa qáwipli dereklerden elektr tokı ásbapsız uzaqtan anıqlanıp bolmaslıǵı menen ayırılıp turadı. Elektr tokınan jaraqatlanıw hár qıylı jaǵdaylarda payda bolıwı múmkin; ashıq sımlarǵa hám tok ótkizgishlerge tiyiw, izolyatsiyası búzılǵan bolǵanlarında; ıǵal arqalı elektr tokınıń tásiri nátijesinde; úskenelerdiń metall qısımlarına tiygeninde; múmkin bolmaǵan úlken ólshemli mashinalardıń elektr ótkeriwshi liniyalar astınan ótiwden.

Elektr qáwipsizligi – bul shólkemlestiriw, texnikalıq ilájlar hám quralları sistemasınan ibarat, neler adamlardı elektr tokı hám qáwipli tásirinen, elektr zaryadınan, elektr magnit maydanınan hám statikalıq elektr tokınan saqlaydı.

Adam organizmlerinen elektr toki ótiwi nátiyjesinde ximiyalıq, ıssılıq hám biologiyalıq tásir kórsetedi. Ximiyalıq tásiri nátiyjesinde qan ha`m basqa organikalıq suyıqlıqları bólinip shıǵadı.

Issılıq tásiri nátiyjesinde deneniń ayrım orınlarınıń kúyiwi menen juwmaqlanadı.

Elektr tokınıń biologiyalıq tásiri organizmlerdiń tiri kletkaların qozǵaltadı hám uyıtadı, bulshıq etlerdi májbúriy ráwishte qısqarıwı menen bolıp ótedi. Elektr tokınan jaraqatlanıwdıń aqıbetine bir qancha sebepler tásir qıladı: tok kúshi, adamnıń denesiniń qarsılıǵı, kúshleniw muǵdarı, toktıń túri hám shastotası, tok jolı, tásir qılıw múddeti hám organizmlerdiń individual qásiyetleri.