«Улы7ма техникалы3 п1нлер» кафедрасы о3ыты7шыларыны4 2011-2012- о3ы7 жылыны4 ы-ярым жыллы2ында 5тету2ын саба3лар кестеси

Joqarı qa`wipi bolmag`an xanalarg`a, sonday xanalar kiredi, qaysılarında joqarı qa`wipli yamasa o`te qa`wipli jag`daylarının` belgileri bolmag`anları kiredi.

Awıl xojalıg`ı islep shıg`arıwındag`ı ko`pshilik xanalar joqarı qa`wipli xanalarg`a ha`m o`te qa`wipli xanalarg`a (malxana, shoshqaxana, ıssılıq xana ha`m basqalar) kiredi.

Shaqnaw — janıwshı zattın` puwı menen hawa yamasa kislorod aralaspasının` jalıng`a, elektr ushqınına yamasa qızg`an denege tiyiwi na`tiyjesinde tez janıp tawsılıwı. Shaqnawda qısılg`an gazler payda bolmaydı. Puwlar o`rt alıwshı aralaspası payda qılatug`ın en` to`men temperatura shaqnaw temperaurası delinedi. Bunnan joqarı temperaturada qısqa mu`ddetli shaqnaw bolmastan janıwshı zat o`rt alıwı mu`mkin.

Partlaw — zattın` bir jag`daydan ekinshi jag`dayg`a ju`da` tez o`tiwi (partlap janıwı) bolıp, bunda ko`p mug`darda energiya bo`linip shıg`adı ha`m ko`p mug`darda qısılg`an gazler payda boladı, bul qısılg`an gazler jemiriliwge alıp keliwi mu`mkin. Partlawda payda bolatug`ın janıwshı gaz ta`rizli o`nimler hawag`a tiyip, ko`binshe o`rt alıwı ha`m bunın` aqıbetinde jang`ın kelip shıg`ıwı mu`mkin.