УўК: 65. 89 Кбк: 56. 12 А–82 Асаб тизимингиз саломат бўлсин

4.14. Уқалаш 
Энди эса остеохондрозга чалинган одамлар учун том 
маънода сув ва ҳаводек зарур даволаш усули ҳақида сўз 
юритамиз. Бу уқалаш ва ўзини уқалаш.
Уқалаш 
– ишқалаш, босиш, тебратиш кўринишида-
ги механик таъсир усуллари мажмуи бўлиб, бевосита 
одам танасининг юзаси бўйлаб қўллар ва махсус ап-
паратлар ёрдамида бажарилади. Уқалаш вазифасига 
кўра гигиенавий, даволовчи, спорт, шуниндек, ўзини 
уқалаш бўлиши мумкин. Даволовчи уқалаш анъана-
вий бўлиши мумкин – рефлектор таъсирлар ҳисобга 
олинмаган ҳолда қўлланилади ва тананинг шикаст-
ланган қисми яқинида ёки бевосита ўзида ўтказилади. 
Сегментар-рефлектор уқалаш ички аъзоларнинг функ-
ционал ҳолатига рефлектор таъсир мақсадида қўлла-
нилади. Бириктирув-тўқимали –асосан бириктирувчи 
тўқималар ва тери ости ҳужайраларига таъсир қили-
нади. Периостал – тана нуқталарига муайян кетма-кет-
ликда таъсир қилиб, бу билан суяк пардаларида реф-
лектор ўзгаришлар қўзғатади. Нуқтали уқалаш – бунда 
фақат биологик фаол нуқталарга таъсир қилинади, 
устига-устак, танадаги ўша нуқталарни топиш – деяр-
ли санъат! Даволаш самарадорлиги уни тўғри топиш-
га боғлиқ. Айтганча, бу усулни жуда истиқболли десак 
муболаға бўлмайди. Аппаратли уқалаш, ўзингиз ҳам 

---

Асаб тизимингиз саломат бўлсин
79
тушуниб турганингиздек, махсус воситалар кўмагида 
амалга оширилади. Ҳозирга келиб бундай воситалар-
нинг сони ҳам, тури ҳам жуда кўп. Умумий олганда эса, 
вибрацияли, пневмовибрацияли, вакуум, ультратовуш-
ли, ионловчи аппликатор кабиларга ажратилади.
Даволовчи уқалаш шифокор томонидан та йинланади 
ва уни малакали уқаловчи олиб боргани мақсадга муво-
фиқ. Ўзини уқалаш усулларига келсак, уларни ҳар бири-
миз яхшилаб ўзлаштириб олишимиз лозим. Бу нафақат 
остеохондрозни даволашда, балки кўплаб бошқа касал-
ликларнинг олдини олишда қўл келади. Мазкур уқалаш 
тури универсал таъсирга эга бўлгани учун фойдадан ҳоли 
эмас. Бу ҳақда асаб тизимининг барча касалликларида 
даволаш усуллари ҳақида сўз юритганда, батафсилроқ 
тўхталиб ўтамиз.