Ҳужжат матни 424414-(435000)

e-qaror.gov.uz
30.05.2022
6
vaziyatlarning oldini olish va ularni bartaraf etish sohasida o‘zaro hamkorlikni
yanada kuchaytirish;
aholi va hududlar xavfsizligiga tahdidlar, tabiiy, texnogen va ekologik
xususiyatli xavflar manbalarini hisobga olgan holda, tumanlar va shaharlar
miqyosida kuch va vositalarni samarali taqsimlash, aholi hayoti va sog‘lig‘iga xavf
tug‘ilganda o‘z vaqtida va sifatli yordam ko‘rsatuvchi turli xizmatlarning tezkor
harakatini muvofiqlashtirish mexanizmini takomillashtirish;
favqulodda vaziyat (hodisa)lar sodir bo‘lishi xavfini barvaqt aniqlash
bo‘yicha monitoring, tahlil va prognozlash tizimini yanada kuchaytirish;
aholining barcha qatlamlarini favqulodda vaziyatlarning oldini olish va
bunday vaziyatlarda harakat qilishga tayyorlash ishlarini tizimli ravishda olib
borish;
favqulodda vaziyatlar xavfi yuzaga kelganda yoki bunday vaziyatlar sodir
bo‘lganda aholini o‘z vaqtida xabardor qilish bo‘yicha aloqa va xabar berishning
avtomatlashtirilgan tizimlarini amaliyotga keng joriy qilish;
FVDT va Favqulodda vaziyatlar boshqarmasi uchun mutaxassis kadrlarni
tayyorlash bo‘yicha yaratilgan yaxlit tizimni yanada rivojlantirish;
favqulodda vaziyat(yong‘in)larning oldini olish va ularni bartaraf etish
chora-tadbirlarini tashkil qilish va amalga oshirishning barcha bosqichlarida
zamonaviy axborot-kommunikatsiya texnologiyalarini keng tatbiq etish;
aholini va hududlarni favqulodda vaziyatlardan muhofaza qilish, fuqaro
muhofazasi va yong‘in xavfsizligini ta’minlash sohasida davlat nazoratini amalga
oshirish;
ta’lim muassasalari uchun “Hayotiy faoliyat xavfsizligi” bo‘yicha davlat
ta’lim standartlari va o‘quv dastur (mavzu)larini takomillashtirish hamda amalda
tatbiq etish;
aholini va hududlarni favqulodda vaziyatlardan muhofaza qilish, yong‘in
xavfsizligini ta’minlash va fuqaro muhofazasi sohalarida normativ-huquqiy
hujjatlarni ishlab chiqish.
2. Aholini favqulodda vaziyatlarda harakat qilishga o‘rgatish tadbirlari
mulkchilik shaklidan qat’iy nazar, barcha tashkilotlar, idoralar, korxonalar va
muassasalarda tashkil etiladi.

---