Uchun ishlagan

31.Insho namunasi 
 
1-mashq.Aziz o`quvchi, siz hozir quyida yozilgan insho namunasi 
bilan diqqat bilan tanishing. Rejalarning qanday tuzilganiga e’tibor 
qiling. Rejaning har ustuniga qancha hajmda yozish mumkinligini 
hisobga oling.Insho yozishni o`rganing. 
Ko`hna Samarqand 
Reja: 1.Samarqand qanday shahar? 
2.Tarixiy obidalari 
3.Samarqand bozori haqida 
4.Samarqand nonlari va taomlari 
5.Mening sayohatdan olgan taassurotlarim 
Samarqand – yurtimizdagi eng go`zal va tarixiy shahar.U 
O`zbekistonimizning avvalgi poytaxtidir.Amir Temur bobomiz 
Samarqandni durdona asar etib barpo qilgan.Bog`lari ko`p.Suvlari 
mo`ldir.Viloyatning ham markazi hisoblanadi.Samarqand shahriga 
samolyot, tezyurar poyezd, avtobuslar qatnaydi. 
Samarqandda ajdodlarimizdan qolgan tarixiy yodgorliklar ko`p. 
Madrasalar, koshonalar, masjidlar, karvonsaroylar, maqbaralar va 
yana boshqa ko`plab imoratlar bor. Shu obidalarni tomosha qilish 
uchun dunyoning barcha mamlakatlaridan sayyohlar tashrif 
buyurishadi. Qadamjolarni ziyorat qilib, u yerda suratlarga tushib, 
Samarqandning go`zalligidan bahramand bo`ladilar. 
Samarqandning dunyoga mashhur Siyob bozori bor. Unda 
sayyohlarni lol qoldiruvchi mahsulotlar mavjud.Milliy taomlari, 
milliy liboslari, turli-tuman holvalar bisyor. 
Ayniqsa, o`ziga xos nonlari butun dunyoga dong taratgan.Meva-
cheva, esdalik buyumlari, hunarmandchilik asarlari kabi narsalar 
barchaga manzur bo`lmoqda. 
Men Samarqandga bir marta borganman.Tezyurar “Afrosiyob” 
poyezdida zavq-u, shavq bilan tomosha qilib bordim. Ustozimiz biz 
bilan birga edilar.Biz eng avval Amir Temur hazratlarinig 
maqbaralarini ziyorat qildik.Registon, Shohi Zinda va boshqa 
majmualarni maroq bilan tomosha qildik.Bozorda bo`ldik. 
Sayohatdan olam-olam taassurotlar oldik.

---