Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

19.6. Qosıqtan kelbetliklerdi tabıń.
Qızıń gózzal bolsın, shayıra bolsın …
(Ózbekstan xalıq shayırı Zulfiyaǵa)
Appaq tań háykeli bolǵanda kúnge
Eń jaqtı juldızlar ıǵbal báhárinde
Sıbırlasıp aytqan bılay dep túnde:
Búgin sáhár shaǵı shadlıqqa tolsın,
Ay jarılqap, temirshiniń úyinde
Qız tuwılıp, atı Zulfiya bolsın …
Azat, xosh qılıqlı qız bolsın ózi
Párenje kórmesin ay kibi júzi,
Tússin kóp jollarǵa múbárek izi
Mıń túmennen qaytsın hár awız sózi
Azat qızdıń atı Zulfiya bolsın.
Jaqsı adamnıń ismi – kewildiń naqshı,
Niyetlep at qoysań hámmesi jaqsı
Aytıń, kim qızınıń atın qoymaqshı?
Baxıt aqshamında bir ziya bolsın,
Bolsań perzentińniń dańqın jaymaqshı,
Sorayman, qız atı Zulfiya bolsın.

Ul bolsa óziń bil at qoyıw jayın:

Meyli Ǵafur, Hamid, meyli Ibrayım,
Biraq sizge bir násiyat qılayın
Qızıńız ónerpaz, shayıra bolsın
Gózzallıq tımsalı bolsın ilayım
Atı hám, ózi hám Zulfiya bolsın.
19.7. Qosıqtıń ishinen ózlerińiz qálegen sózlerińizdi tańlap ishinde kelbetlik sózlerdi keltirip gáp qurań.
Mısalı: gózzal, appaq.
19.8. Berilgen tekstti oqıp, kelbetlik sóz shaqabı haqqındaǵı óz pikirińizdi bildiriń.
Alǵı sóz ornına
Endi, rasında da Biybisánemniń teması meni júdá qızıqtırdı. Sebebi, birinshiden, shayırdıń tiline bolǵan ilimpazdıń múnásibeti qanday? Bul shayırdıń ózin de qızıqtıradı, rasında da.
Bul biziń tilimizdegi sóz shaqaplarınıń ishinde júdá shayırana, júdá poetikalıq múmkinshilikleri kúshli sóz shaqabı. Sonıń ushın shayır sol óziniń ishki qabatın, lirik qaharman obrazın jaratarda sóz shaqabı menen kóp islesedi. Bul kelbetlik barımıńa bara beredi, qansha kiyindirseń jarasa beredi, qansha bunı sóyletseń, tildiń sulıwlıq resursların alıp shıǵadı. Sonıń ushın, eger til iliminiń biyiginen alıp qaraǵanda tema júdá házirjuwap, bir jaqsı ideya.
Ekinshiden, biziń tilimiz, milliy – tilimiz júdá bay til. Sol tildi ádebiylestiriw jolında hámme sóz shaqapları menen isleseseń. Sonıń ishinde meniń de, rasında da jaqsı kóretuǵınım, búyirim buratuǵını kelbetlik sóz shaqabı, sóz shaqaplarınıń ishindegi. Eger Abat (Qánigelestirilgen Keńestiń sol waqıttaǵı baslıǵı, akademik A. Dáwletov – B.Yu.) qaraqalpaq tiliniń bayramın ótkizip, qaysı sóz shaqabına gúl bereseń dese, men kelbetlikke berer edim. (B.Yu. «I.Yusupov shıǵarmaları tilinde kelbetliktiń stillik xızmetleri»).
19.9. Kelbetliklerdi tabıń.
Sen muqaddes mediresem bawırman
Árman gúli gúlshanıńnan tawılǵan.
Qaraqalpaqqa qalıń kitap oqıtqan
Sen teberik dárgayısań bilimniń.
(I.Yu. «Sen teberik dárgayısań bilimniń»).
Kúni keshe ǵana bul ıras edi,
Endi kórgen tústey, tańǵı dumanday.
(I.Yu. «Aral elegiyaları»)
Miyrimli, kishipeyil, úlken boldıń
Jasampaz, janı sulıw kórkem boldıń.
(I.Yu. «Jigittiń jetpis kóklemi»)
Gúlli kóyleginen jelpip aromat
Júzi mahıytaban ótip baratır.
(I.Yu. «Tusıńnan bir janan ótip baratır»).
19.10. Tapsırma. Ózlerińiz qálegen kórkem shıǵarma tańlap, kelbetliklerge mısallar tabıń.
Terminlerdi salıstırıń