Учебно-методический комплекс обучение детей сценической и творческой деятельности область знаний: : 100 000 Гуманитарный

13-Mavzu; Maktabgacha ta’lim tashkilotida applikatsiya turlari
Reja
1. O'simlik barglarini quritish va undan applikatsiya.
2.Somondan yasaladigan applikatsiya.
3. Tabiiy materiallardan yasaladigan applikatsiya.
4.Gazlama ustida applikatsiya haqida ma`lumot.
5.Qo'g'irchoqlar uchun ko'rpa-to'shak va ularga jildlar tikish.
Tayanch tushunchalar; gazeta, gerbariy papkasi, qaychi, paxta, barglar, gullar, urug'lar, poxol-somon, sanoat, to`qish, dekoratsiya, applikatsiya, quticha, panellar, qalamdon, bezak, ekskursiya,gazlama,qog`oz,applikatsiya,qo`l choki,chit,satin,atlas,ko`rpa-to`shak,yostiq,jild.
O'simliklarni quritib olish. O'simliklarni to'plash va quritib olishda gazeta, gerbariy papkasi, qaychi, paxta bo'lishi kerak. O'simliklarning gullari, barglari, poyasi va shu kabilarni to'plash maqsadida ekskursiyaga chiqilganda bir juft gazeta, qaychi bo'lishi shart. Gazeta daftarsimon taxlanib, orasiga materiallar tartib bilan joylanadi. Gullarni qo'l bilan sindirib olib bo'lmaydi, aks holda, poyasi zararlanishi mumkin. Quritib olishga mo'ljallangan o'simliklar har qanday namlik (yomg'ir yoki shudring)dan xoli bo'lishi kerak, aks holda, o'simlik quritilganda unda dog`larning izi qoladi. Quritilayotgan o'simliklarda tabiiy rangni asrab qolishning eng muhim sharti ularni shamol o'tib turadigan joyda, yelvizakda, quyosh nurida tez quritib olishdir. O'simliklarni quritish 3 sutkadan ortiq davom etmasligi kerak. Turli o'simliklarni to'plashning o'z muddatlari bo'ladi.
Tabiiy materialiarni to'plash, avvalo, insonning oldiga qo'ygan maqsadga bog`liq bo'ladi. Masalan: barglarni, gullarni, urug'larni to'plab, keyin ulardan nimani va qanday ishni bajarishni aniqlab olish lozim.
Barglarni gerbariy ramkalarida quritish. Gerbariy ramkalarida quritilgan o'simliklarning ko'pchiligi o'zining tabiiy rangini saqlab qoladi. Bunda o'simlik yumshoq qog'oz va gazeta orasiga solib qo'yiladi. Har bir qog'oz va o'simlik orasiga yana bir necha qavat gazeta qo'yiladi, chunki quritilayotgan o'simliklar o'zidan namlik chiqaradi. Shundan so'ng ikkita to'rsimon ramka o'rtasiga qo'yilib ochiq havoda quritiladi.