Уч фазали синхрон генераторни тармоққа улаш ва унинг қисмаларидаги кучланишни ростлаш

Синхрон генераторнинг ташки характеристикаси.

Юклама	f, Гц	Iy , А	Статор токи , А			Р, Вт	U , В	cos φ
			IА	IВ	IС

Соф актив (cosφ=1) ва актив ва индуктив юкламаларда иккита ташқи характеристикани олиш тавсия этилади. 2-жадвалдаги ўлчаш ва ҳисоблаш маълумотлари асосида генератораторнинг ташқи характеристикалари тузилади (1-расм, г), бунда ∆U — ҳамма юкламалар олинганда генератор қисмаларидаги кучланишнинг ортиши.

Синхрон генераторни бошқа синхрон генератор билан параллел ишлашга ёки тармоқ билан параллел ишлашга улаш учун қуйидаги ишларни бажариш лозим:

• 
  уланадиган генератор чиқишларидаги кучланиш ишлаётган генератор ёки тармоқ кучланишига тенг бўлиши лозим;
  
• 
  уланадиган генератор частотаси тармоқ частотасига тенг келиши керак;
  
• 
  уланадиган генератор ҳамма фазаларининг ЭЮК ишлаётган генератор ёки тармоқнинг тегишли фазаларидаги кучланишларга (фаза бўйича) қарама-қарши бўлиши керак;
  
• 
  параллел ишлашга уланган генераторнинг – фазалари ишлаётган генератор фазаларидек тартибда жойлаштириш керак, яъни ишлаётган генераторнинг А фазасидан кейин В фаза, ундан кейин С фаза жойлашсин.
  

Параллел ишлашга улашдан олдин генератор бирламчи двигател ёрдамида айлантириб олинади, кейин уйғотиш токи уланади, волтметр ва частотометр ёрдамида уланадиган генераторнинг ЭЮК ва частотаси тармоқ кучланиши ва частотасига тўғриланади. ЭЮК уйғотиш занжиридаги реостат билан, частота эса бирламчи двигател айланиш тезлигини (частотасини) ўзгартириш билан ростланади. Параллел ишлашга улашнинг учинчи ва тўртинчи шартлари синхроноскоп ва нолинчи волтметр ёрдамида бажарилади. Синхроноскоп—синхрон генераторларни синхронлашга мўлжалланган, учинчи шартнинг бажарилишини текширадиган ва уланадиган генераторнинг айланиш тезлигини (частотасини) қайси томонга ўзгартириш кераклигини кўрсатадиган махсус асбоб. Нолинчи волтметр генератор параллел ишлашга уланадиган моментни аниқ белгилаш имконини беради. Нолинчи волтметр стрелкаси бу ҳолда нолда туриши керак.