У. Юлдашев, М. Мамаражабов, С. К. Турсунов

Ҳужжат ойнасидан фреймларни танлаш
Ҳужжат ойнасида фреймларни танлашнинг барча усулларини кўриб чиқамиз:

1. 
   Фреймлар структурасидан алоҳида бўлимни олиш учун ALT тугмасини босиб турган ҳолда, сичқон чап тугмасини шу худудда босинг.
   
2. 
   Структурани бутунлай белгилаш учун ихтиёрий бўлиш чизиқларига ёки чегара рамкасини сичқон чап тугмаси ёрдамида босинг.
   

Дастур шунингдек бир даражадаги (горизонтал бўйича) фреймларнинг ҳамда бир-бирининг ичига солинган структуралар ва уларнинг элементларининг (вертикал бўйича) ўзаро бир-бирига ўтишини таъминлайди.

• 
  Бир даражадаги фреймлар орасида ўтиш учун ALT+ЧАПГА ва ALT+УНГГА тугмалар комбинациясини босинг.
  
• 
  Ҳар хил даражадаги фреймлар орасида ўтиш учун ALT+ЮҚОРИГА ва ALT+ПАСТГА тугмалар комбинациясини босинг.
  

Танланган фреймлар структураси бўлими пунктир чизиқлар билан белгиланади.

Чегаралар

Dreamweaver да структуранинг фреймлари алоҳида ажралиб туриши учун чегарали чизиқлардан фойдаланилади. Бу чегара чизиқлари қалинлигини олти пикселгача белгилаш мумкин. Property Inspector (Инспектор свойств) палитраси ёрдамида чегараларнинг қалинлиги, ранги каби кўрсатгичларини ўрнатиш мумкин.
Чегара чизиқларини тасвирланишини палитранинг иккита бўлим бошқаради: Borders (Границы) ва Border Width (Толщина границы). Биринчи бўлими қуйидаги учта рўйхатни ўз ичига олади. Булар Yes (Да), No (Нет), Default (По умолчанию). Yes(Да) бўлими чегарани ўрнатишни таъминлайди. Ўрнатилган чегара уч ўлчамли кўринишда тасвирланади. No (Нет) бўлими чегарани олиб ташлайди. Бу режимда чегара оддий чизиқ кўринишида тасвирланиб, броузер дастурларида эса умуман кўринмайди.
Кейинги бўлим – бу чегара қалинлигини пикселда белгилаш учун хизмат қилади. Агар қалинлик 0 га тенг бўлса, у ҳолда чегара кўриш дастурларида кўринмайди.
Чегара ва ички бўлувчи чизиқларни рангларини ўзгартириш учун палитранинг Border Color (Цвет границы) бўлимидан фойдаланилади. Бу ерда рангни танлаш, Windowsнинг стандарт палитраларида ранг танлаш каби амалга оширилади.