У. Юлдашев, М. Мамаражабов, С. К. Турсунов

Объектлар палитраси

Фақатгина энг оддий гиперматнли ҳужжатлар ўзида боғланиш бўйича бошқа ҳужжатларга ўтувчи буйруқлар бириктирилган гиперматнли фрагментларни бирлаштиради. Аммо кўпчилик замонавий HTML саҳифалари мультимедиалашиб бормоқда. Яъни уларнинг таркибига қуйидаги ташқи объектлар киради: мультимедиали файллар, ижро этиш воситалари, картинкалар, анимация файллари ва бошқалар.
Objects (Палитра объектов) палитраси ана шундай ташқи объектларни яратиш ва қўйиш учун хизмат қилади. Бу палитрани экранга чиқариш учун Window > Objects (Окно > Объекты) буйруғини бажариш керак. Худди шу буйруқни клавиатурадан CTRL +F2 тугмалар комбинациясини босиш билан ҳам бериш мумкин. Бу буйруқни такрор бериш палитрани экрандан олиб ташлайди.

8-расм. Объектлар палитраси

Палитра еттита номдаги қисмлардан иборат. Булар Characters, Common, Forms, Frames, Head, Invisibles, Special.

• 
  Characters (Специальные символы). Клавиатурада учрамайдиган махсус символларни қўйиш (савдо маркаси, копирайт ва бошқалар).
  
• 
  Common (Общие) – бўлими энг кўп қўлланиладиган объектларни бирлаштиради. Бу жадваллар, расмлар, горизонталь чизғич, жорий календардаги саналар ва бошқалар.
  
• 
  Forms (Формы). Формалар ва элементлар, уларнинг ташкил қилувчилари: ёқиб-ўчирувчилар, рўйхатлар, матн майдонлари ва бошқалар.
  
• 
  Frames (Фреймы). Фреймлар тизимини яратиш. Ҳар хил ҳолатдаги фреймлар қисмларидан таркиб топган фреймлар тизмини ҳосил қилиш. Яъни яратилаётган сайтни саҳифасини фреймларга бўлиб олиш.
  
• 
  Head (Заголовок) - гиперматнли ҳужжатнинг сарлавҳа қисмига тавсиф қўйиш.
  
• 
  Invisibles (Скрытые объекты). HTML саҳифани броузер дастурларида намойиш қилишда, кўринмайдиган яширин объектларни жойлаш. Бу палитранинг энг кичик қисми бўлиб, у фақат учта типдаги объектларни қўшиб беради: символлари, изоҳлар ва сценарийлар.
  
• 
  Special (Специальные объекты) - бу бўлим ўзида махсус объектларни қўйиш тугмаларини бирлаштиради. Буларга апплетлар, ActiveX объектлари ва бошқа ташқи тўлдирувчиларни (plag- ins) киритиш мумкин.
  

Палитранинг пастки қисмида икки гуруҳга бўлинган тўртта тугма жойлашган: Layout (Компоновка) ва View (Вид). Улар макетлаш режимига ўтиш ва саҳифанниг структурасини тезда яратишга имкони беради. Бу элементлар билан қисқача танишиб ўтамиз:

•