У. Юлдашев, М. Мамаражабов, С. К. Турсунов

fscommand("fullscreen", true)
ифодаси ёзилади (бу ерда fscommand буйруғи берилиб, fullscreen тўлиқ экран ҳолати танланганда, файл тўлиқ экранда намойиш қилинади).

• 
  Слайдларни (Flash файлларни) боғлаш учун эса, тегишли слайдларда тугма ҳосил қилиниб белгилангач, Actions панелига қуйидаги ифодани киритамиз:
  

on(release) {
loadMovie("slayd2.swf",_root.dropZone);
}
Бу ифода 2 – слайд файли slayd2 га ўтишни таъминлайди. Тегишли слайддан аввалги слайдга қайтиш учун ҳам худди шу йўлни қўллаш мумкин. Презентацияни намойиш қилиб бўлингач ёки намойиш қилиш вақтида чиқиб кетишга тўғри келади. Бундай пайтда тегишли тугмани босиш билан чиқиб кетилади. Айнан шу тугмани Flashнинг ўзида ўрнатиш қуйидаги кетма-кетлик асосида амалга оширилади:

• 
  слайдларнинг четги қисмларига (асосий маълумотлардан ташқарига) чиқиб кетиш ёки бекитиш маъноларини билдирувчи тугма ҳосил қилинг;
  
• 
  тугмани белгилаб, Actions панелига қуйидаги ифодани киритинг:
  

on (press) {
fscommand("quit", true);
}
(Бу ерда fscommand буйруғининг «quit» ҳолати тегишли тугма босилганда фильмни бекитиш вазифасини бажаради).

• 
  фильмни намойиш қилиш учун Control > Test Movie буйруғи берилади.
  

Презентация тайёрлашда бошқарув тугмаларини ҳосил қилиш имкониятлари Power-Point нинг имкониятларига қараганда анча кенг ва кўпқирралидир. Маълумотлар намойишидаги эффектларнинг бойлиги ва турли туманлиги ҳар қандай тингловчини ўзига тортади.

Flash MX нинг мантиқий имкониятлари

Flash нинг имкониятлари жуда ҳам кўп. Шу жумладан бир қанча мантиқий имкониятларга ҳам эга. Фақатгина Flash –фильмлар яратиш, Web-саҳифалар ва улар учун gif ёки swf анимациялар яратиш билан чекланмасдан балки алоҳида ишлайдиган амалий дастурлар, электрон дарсликлар, электрон энциклопедиялар яратиш ва бошқа кенг имкониятлар мавжуд. Масалан, электрон дарсликлар яратишда Flashнинг юқори дизайнли графикасидан, фильмни намойишини бошқаруви имкониятларидан ва Actions Script дастурлаш тилидан кенг фойдаланиш мумкин. Навбатдаги кетма-кетликларда электрон дарслик учун тест синови файлини яратиш билан танишиб чиқамиз:

• 
  аввал тест саволини киритиш учун Tools панелидаги Text Tool инструментидан фойдаланг;
  

• 
  энди тест жавобларини белгилаш учун Oval Tool инструментидан фойдаланиб айланалар чизиб олинг.
  
• 
  чизилган айланаларни тугмаларга айлантириш учун Insert > Convert to Symbol (F8) буйруғидан фойдаланинг;
  
• 
  ҳар бир тугма тўғрисига жавобларни киритиб чиқамиз;
  
• 
  тўғри жавоб тугмасини белгилаб, Actions панелига қуйидаги ифодани киритамиз:
  

on (release) {
nat1 = 1;
nextFrame();
}

• 
  нотўғри жавоб тугмаларига эса:
  

on (release) {
nextFrame();
}
ифодани киритамиз;

• 
  ҳар бир савол учун ушбу кетма-кетликни амалга оширамиз;
  
• 
  кадрлар охирида яна бир кадр қўйиб, унда иккита динамик матн ҳосил қилинг. Бирини белгилаб Properties панели Var бандига tnat ифодани, иккинчисига эса tball ифодани киритилади. Улар бизга тест натижасини чиқариб бериш учун хизмат қилади. ¤ша охирги кадрнинг ўзини белгилаб Actions панелига:
  

tnat=nat1+ . . . +nat10;
tball=(nat1+ . . . +nat10)*5;
stop();
ифодани киритамиз. Бу ифоданинг биринчи сатри тўғри босилган жавоблар сонини қўшиб беради. Иккинчи сатри эса ўша тўғри жавоблар сонини 5 га кўпайтириб беради, яъни ҳар бир саволга 5 баллдан баҳо беради.

• 
  тест тайёр бўлгандан кейин, натижани кўриш учун, Control > Test Movie буйруғи берилади.