У. Юлдашев, М. Мамаражабов, С. К. Турсунов

FLASH да ниқоблар яратиш

Ниқоб ўз ичига оддий қатламларни олади. Фақат битта қатлам ниқобли (бекитадиган) қатлам бўлиб, у фақат ўзининг остидаги қатламга тегишли объектни бекитади (ниқоблайди). Јатламлардан ниқоб ҳосил қилиш учун, қуйидаги кетма-кетликларни бажариш керак:

1. 
   Ниқоб қўймоқчи бўлган қатламнинг номи устида сичқоннинг ўнг тугмасини босилиб, контекстли менюдан Insert Layer буйруғини беринг (янги қатлам қўйилди, энди ниқоб ўрнида хизмат қилади).
   
2. 
   Ниқоб қатламига ранг қуйинг, агар анимацияли ниқоб яратмоқчи бўлса, унда фақат бир марта ранг қуйилган бўлиши керак.
   
3. 
   Ниқоб қатлами номи устида сичқон ўнг тугмасини босинг, контекстли менюдан Mask (Маска) буйруғини беринг; шу дақиқадан бошлаб янги қатлам ниқобга айланади. Шундан кейин қатламлар тўпламида қуйидаги ўзгаришлар бўлади (72.1-расм):
   
   • 
     қатламли ниқоб номидан чапда ниқобга тегишли белги ҳосил бўлади;
     
   • 
     ниқобланган қатламнинг номи ўнгга сурилади ва унинг ёнида ҳам шунингдек янги белги пайдо бўлади;
     
   • 
     иккала қатлам ҳам автоматик равишда бекитилади (қатламнинг номидан ўнгда ҳосил бўлган қулф белгиси шундан далолат беради).
     

Ниқобга бириктирилган рангнинг асли кўринмасдан, балки унинг ҳаракати натижасида ортидаги қатламнинг очилиши кузатилади. Бошқача айтганда бекитилган объект ниқоб орқали ҳаракат билан очилади. Сиз ниқобнинг ҳолатини, кўринишини ҳар доим ўзгартиришингиз мумкин. Уни таҳрирлаш ҳолатига келтириш учун қулф белгиси устида сичқонни чап тугмасини босиш кифоя. Бу билан сиз қулфни автоматик равишда олиб ташлаган бўласиз (72-расм). Таҳрирлаш режимини ишга тушириш учун қатламли ниқоб номини сичқон ўнг тугмаси билан босиш ва контекстли менюдан Show All (¥аммасини кўрсатиш) буйруғини беринг.



71.1-расм. Вақт диаграммаси ва саҳнанинг ниқобли режими қўшилгандан кейинги кўриниши.



72.1-расм. Ниқобни таҳрирлаш режимини ёқиш.

Ниқобни кўриш режимини ёқиш учун, сичқон ўнг тугмасини ниқобли қатлам номига ёки ниқоб остидаги қатлам номига босиш ва контекстли менюдан Show Masking (ниқоб бўлишини кўрсатиш) ни танлаш керак.