У. В.Ғафуров, Ш. И. Мустафақулов, М. Ш. Бўтабоев “Ўзбекистоннинг ижтимоий-иқтисодий ривожланиш стратегияси” фанининг ЎҚув-услубий мажмуаси

ИННОВАЦИЯ ЛОЙИҲАЛАРИ– бундай лойихаларнинг асосий мақсади янги технологиялар, ноу-хау ва корхоналарнинг ривожланишини таъминлаб берувчи бошқа янгиликларни ишлаб чиқиш ва қўллашдан иборат.
ИНФЛЯЦИЯ – пул муомаласи қонуниятларининг бузилиши билан боғлиқ ҳолда қоғоз пулларнинг қадрсизланиши ва бунинг оқибатида нарх-навонинг ўсиши.
ИЧКИ ИНВЕСТИЦИЯ – мамлакат ичида турли шаклдаги капиталлар қўйилиши.
ИШ БИЛАН БАНДЛИК – бу иқтисодий фаол аҳолининг қонун ҳужжатларига мувофиқ, даромад келтирадиган фаолиятга эга бўлишидир.
ИШ БИЛАН САМАРАЛИ БАНДЛИК – бу аҳолининг иш билан бандликка эҳтиёжининг мавжуд иш ўринларига мувофиқ келишининг сифат хусусияти бўлиб, иқтисодий нуқтаи назардан меҳнат ресурсларидан энг оқилона фойдаланишни, ижтимоий жиҳатдан меҳнат фаолиятининг инсон манфаатларига энг мувофиқ келишини билдиради.
ИШ БИЛАН ТАЪМИНЛАШ – фуқароларнинг қонун хужатларига зид келмайдиган, ўз шахсий ва ижтимоий эхтийожларини қондириш билан боғлиқ бўлган, уларга иш хақи ёки даромад келтирадиган фаолият.
ИШ ЎРНИ– тегишли равишда жиҳозланган ва иш қуроллари билан таъминланган, миқдор ва сифат тавсифларига эга бўлган, белгиланган меҳнат меъёрига кўра ишлаб чиқариш топшириғи ёки функциясини бажарувчи ходимнинг ёки ягона ишлаб чиқариш топшириғини ёхуд технология жиҳатдан ажралмас функцияни бажарувчи ходимлар гуруҳининг меҳнат фаолияти амалга ошадиган макон тушунилади.
ИШ ҲАҚИ – бу, ёлланма ходим даромадининг элементи, унга тегишли ишчи кучига бўлган мулкчилик ҳуқуқини иқтисодий жиҳатдан рўёбга чиқариш шаклидир.
ИҚТИСОДИЁТНИНГ ОЧИҚЛИЛИГИ – мамлакат иқтисодиётининг халқаро меҳнат тақсимотига интеграциялашиш даражасидир.
ИҚТИСОДИЁТНИНГ РЕАЛ СЕКТОРИ – иқтисодиётнинг бевосита моддий неъматлар ишлаб чиқариш ва хизматлар кўрсатиш билан боғлиқ соҳаси бўлиб, у ўз ичига саноат, қишлоқ хўжалиги, қурилиш, транспорт, алоқа тармоқларини олади.
ИҚТИСОДИЙ ФАОЛ АҲОЛИ– меҳнат билан банд бўлган фуқаролар ва ишсизлар.