У. В.Ғафуров, Ш. И. Мустафақулов, М. Ш. Бўтабоев “Ўзбекистоннинг ижтимоий-иқтисодий ривожланиш стратегияси” фанининг ЎҚув-услубий мажмуаси

БАНКНИНГ АКТИВ ОПЕРАЦИЯЛАРИ– банкларнинг келажакда даромад олиш мақсадида жамланган кредит маблағларини кредитларга ва инвестицияларга жойлаштирилиши ва бошқа мақсадли операцияларидир.
БАРҚАРОР ИҚТИСОДИЙ ЎСИШ – бу иқтисодиётнинг узоқ вақт давомида юқори суръатлар билан ўсиб боришидир.
БАРҚАРОР РИВОЖЛАНИШ – бу шундай ривожланишки у аҳолини ҳозирги эҳтиёжларини қондиради ва келажак авлоднинг ўз эҳтиёжларини қондириш имкониятини хавф остига қўймайди.
БЕВОСИТА ИНВЕСТИЦИЯ – капитал қўйилмаларнинг инвестор томонидан тўғридан-тўғри инвестицион объектларга йўналтирилиши назарда тутилади.
БИЛВОСИТА ИНВЕСТИЦИЯ – воситачи молиявий ташкилотлар орқали инвесторлар томонидан капитал қўйилмаларнинг қўйилиши тарзида ифодаланади.
БИРЛАМЧИ ПРОФИЛАКТИКА– барча аҳоли, ижтимоий гуруҳ, алоҳида ҳудуд, ёш, касб, шунга ўхшаш гуруҳлар учун умумий бўлиб, касалликларни олдини олишга қаратилган тиббий ва нотиббий комплекс тадбирлар мажмуидир.
БИРЛАМЧИ ТИББИЙ САНИТАРИЯ ЁРДАМИ (БТСЁ)– тиббий санитария хизматининг муҳим шакли бўлиб, аҳоли ва мамлакатнинг имкониятларидан келиб чиқиб, аҳолининг, жумладан ҳар бир инсоннинг фаол иштирокида унинг эҳтиёжига кўра кўрсатиладиган керакли ва муҳим ёрдам ҳисобланади. Аҳолини бирламчи тиббий санитария ёрдами билан таъминлаш давлат сиёсати ва тактикаси бўлиб, мамлакат ривожланишининг ҳар бир босқичида, ижтимоий адолат руҳида аҳолига иложи борича яшаш ва иш жойига яқин жойда, жамоатчиликнинг барча кучлари ёрдамида кўрсатиладиган соғлиқни сақлаш чора - тадбирлардир.
БОЗОР ИҚТИСОДИЁТИ – эркин товар-пул муносабатларига асосланган, иқтисодий монополизмни инкор этувчи, аҳолини ижтимоий ҳимоя қилишга йўналтирилган ва бошқариладиган иқтисодий тизим.
БЮДЖЕТ ПРОФИЦИТИ– муайяндаврда бюджет даромадларининг бюджет харажатлариданортиқбўлганмиқдори.
БЮДЖЕТ ТАҚЧИЛЛИГИ– муайяндаврда бюджет харажатларининг бюджет даромадлариданортиқбўлгансуммаси.
ГЛОБАЛ МОЛИЯВИЙ-ИҚТИСОДИЙ ИНҚИРОЗ– жаҳоннинг деярли барча мамлакатларида молиявий, ижтимоий ва иқтисодий соҳалардаги мутаносиблик ва нисбатларнинг кескин издан чиқиши натижасидаги беқарорлик ва чуқур танглик ҳолатларининг вужудга келиши.