Tuzuvchilar: tatu farg`ona filiali

3. Qo’shqiymatli tasvirlarni filьtrlash. Binar (qo’shqiymatli) tasvirlar ko’pqiymatlisiga nisbatan soddaligi sababli chekli sinfdagi halaqitlarga ega. Ularni yo’qotish uchun asosan mantiqiy filьtrlash usullari ishlatiladi. Bu usullarning algoritmlari odatda evristik (iste’molchi filьtr parametrlarini manba tasvir sifatiga bog’liq ravishda oladi) ko’rinishda bo’ladi. Qo’shqiymatli tasvirlarda halaqit asosan 4ta sababga ko’ra: tasvirning asl nusxasidagi ifloslik; bo’yalish sifatining pastligi; tasvirni EHMga kiritish jarayonida kichik xatoliklar; ko’pqiymatli tasvirni qo’shqiymatlisiga o’tkazish bo’sag’asining noto’g’ri tanlanishidan bo’ladi. Keyingi ishlov berishlar natijasi sifatli bo’lishini ta’minlash uchun bu sabablarga ko’ra paydo bo’lgan halaqitlarni yo’qotish lozim.
Ishonchli filьtrlash algoritmlarini ishlab chiqish uchun qo’shqiymatli tasvirlarda uchraydigan asosiy halaqitlarni aniqlaymiz. Qo’shqiymatli tasvirlarda ayniqsa ko’p uchraydigan halaqitlardan biri chiziq shaklining notekisligidir. U turli ko’rinishda bo’lishi mumkin: qalinlikning o’zgarishi, ya’ni chiziqlarda haddan tashqari keng yoki tor bo’laklar bo’lishi, chiziqlar konturining notekisligi va hokazo. Ko’p uchrash bo’yicha keyingi o’rinda yakkalangan kichik qora dog’lar, chiziq ichidagi yakkalangan bo’shliqlar va nihoyat kamroq uchraydigan, ammo yo’qotish eng qiyin bo’lgan halaqit–bu chiziqlardagi uzilishlar hamda bir necha chiziqlarning qo’shilib ketishidir.
Tasvirlarga sifatli ishlov berish uchun ba’zi parametrlarni o’zgartirish yordamida turli tasvirlarga moslashib, imkoni boricha ko’proq halaqitlarni yo’qotuvchi algoritmlar zarur. Bunday parametrlar sifatida filьtrlarning o’lchami, bo’sag’a qiymatini olish mumkin. Filьtr o’lchamlarini tanlashda quyidagi asosiy omillarni hisobga olish zarur: filtrlash algoritmining vazifasi, algoritmni dasturlash qiyinchiligi algoritmning ishlash vaqti, manba tasvir sifati hamda halaqitlarni yo’qotish darajasi.
Halaqitlarning hajmiga qarab qo’shqiymatli tasvirlar 4ta sinfga bo’linadi:
1) o’ta halaqitli tasvirlar, ya’ni tasvirda barcha turdagi halaqitlar mavjud hol; 2) chiziqlarning uzilishlari va qo’shilib ketishlaridan tashqari barcha halaqitlar mavjud hol;

3. 
   tasvirdagi kichik bo’shliqlar, chegara notekisligi ko’rinishidagi halaqitlar mavjud hol;
   
4. 
   faqat ob’ekt chegaralaridagina halaqit bo’lgan hol.
   

Halaqitlarni yo’qotish uchun qo’shqiymatli tasvirlarda asosan markazidagi qiymati atrofidagi bir jinsli elementlar asosida o’zgartiruvchi tekislovchi filьtrlar ishlatiladi.