Tuzuvchilar: kafedrasi mudiri, professor Nuruzova Z. A., dostent Aliev Sh. R. Taqrizchilar

Talabalar bilimini joriy baholashda quyidagi mezonlar inobatga olinadi:

O‘zlashtirish(%) va ballarda	Baho	Talabaning bilim darajasi
96-100	A’lo «5»	Mashg‘ulot mavzusi bo‘yicha talabaning javobi to‘liq, turli manbalardan olingan qo‘shimcha ma’lumotlarga boy, bilim hajmi dastur doirasidan chiqadi. Dasturda tavsiya etilgan asosiy adabiyotlarni to‘liq o‘zlashtirgan va qo‘shimcha adabiyotlar bilan tanish. Mashg‘ulotda berilgan vazifalarni o‘z vaqtida, sifatli bajaradi. Vaziyatli masalalarni echishda ijodiy fikrlaydi, aniq javob beradi va javobini mantiqan asoslaydi. Mavzu muhokamasi, munozaralarda faol qatnashadi, o‘z fikrini himoya qila biladi. Interaktiv o‘yinlarda faol va ijodiy qatnashadi.
		Amaliy ko‘nikmalarni laboratoriya ishlarini to‘liq egalla­gan, mavzuga oid bakteriolgik preparatlarni o‘rganish­da olgan nazariy bilimlarini qo‘llaydi, preparatlar tayyorlashni bosqichma-bosqich to‘g‘ri amalga oshiradi, preparatdagi struktura elementlarini to‘g‘ri ko‘rsatadi, asoslaydi va tushunib chizadi.
		Mustaqil ish shakli: mavzuni mustaqil o‘zlashtirish, referat, ilmiy maqola, tezislar va ma’ruzalar tayyorlash. Mavzuni mustaqil o‘zlashtirish va konspekt yozish. Konspekt mantiqiy tuzilgan va mavzuning barcha savollarini har tomonlama to‘liq kamrab olgan, mavzu tizimli bayon qilingan, foydalanilgan asosiy adabiyotlar va axborot manbalari ko‘rsatilgan. Referat tayyorlash. Talaba asosiy adabiyotlardan tashqari qo‘shimcha adabiyotlardan (monografiyalar, ilmiy, uslubiy maqolalar, Internetdan olingan ma’lumotlar, elektron kutubxona materiallari va h.k.) foydalanib materiallar yig‘gan, tahlil qilgan, tizimga solgan. Referat mavzusi har tomonlama va to‘liq ochib berilgan, matn mantiqiy ketma-ketlikda ifodalangan, to‘g‘ri hulosa chiqarilgan va ijodiy fikrlar mavjud. Ijodiy ishlash. Mashg‘ulotda berilgan vaziyatli masalalar, krossvordlar, organayzerlarni to‘g‘ri echgan, ularni echishda ijodiy yondoshgan, javob asoslangan. Jadvallar to‘g‘ri to‘liq to‘ldirilgan.