Тузувчи-муаллиф: Н. Н. Жамилова

АМАЛИЙ МЕТОДГА ОИД УСУЛЛАР
Болаларни харакатга ўргатишда тарбиячи кўргазмали ва огзаки усуллар билан ўзаро боглик турли амалий усуллар мажмуасидан фойдаланади. У машкларни, харакатли ўйинлардаги айрим ролларни, бошкарувчи ролини бажариб кўрсатади, болаларни топширикларга жалб килиб ва намуна кўрсатиб уларни мусобакаларда катнашишга рагбатлантиради. Масалан, ким харакатли топширикни тезрок, яхширок, тўгрирок бажаради, у болаларга ўзини кандай тутиш ва кандай хатти-харакат килишни кўрсатади.
Тарбиячи болаларнинг амалий фаолиятини ташкил этаётиб бутун таълим жараёнини машгулотнинг вазифалари, мазмунига мувофик режалаб олади.
Болаларга жисмоний харакатларни ўргатишда хамма метод ва усуллардан ўзаро мужассам холда фойдаланиш лозим
Жисмоний тарбия жараёнида болалар харакат малакаси ва кўникмасини эгаллаб борадилар.
Харакат малакаси харакат техникасини эгаллаш даражаси билан белгиланади. Харакат малакаларининг икки тури фаркланади: улардан бири яхлит харакат фаолиятини амалга оширилади, иккинчиси айрим, мураккаблигига кўра турлича харакатларда ифодаланади. Биринчи турдаги малакалар ўйинлар, курашлар билан боглик. Иккинчи турдаги харакат малакалари ривожланиш харакат техникасини дастлабки эгаллашдан янада юксакликка, уни такомиллаштиришгача боради.
Харакат кўникмаси – бу харакат техникасини эгаллаш даражаси бўлиб, унда харакатларни бошкариш автоматик тарзда кечади ва харакатлар ўзининг баркарорлиги билан ажралиб туради.
Харакат кўникмасини шакллантириш биринчи ва иккинчи сигнал тизимларининг ўзаро харакатидаги динамик стереотипнинг юзага келиш жараёнидан иборатдир.
Харакат кўникмаларининг, бола учун амалий ахамияти жуда катта. Хосил килинган кўникмалар жисмоний ва психик кучларни тежамкорлик билан сарф этиш, яхлит харакат фаолиятига кирувчи харакатларни тез ва аник бажариш имконини беради.
ТАЪЛИМ ЖАРАЁНИДА БОЛАЛАРДА ХАРАКАТ КЎНИКМАЛАРИНИНГ ШАКЛЛАНИШ КОНУНИЯТЛАРИ
Мактабгача тарбия ёшидаги болаларда тўгри харакат кўникмаларининг шаклланиши жараёнлари уларни келажакда камол топтириш учун замин хисобланади.
Бу конуний жараёнда III боскич фарк килинади:
I боскич – дастлабки кўникма хосил бўлиши. У вакт жихатидан киска бўлади. Бунда болалар янги харакатлар билан танишадилар.
II боскич – вакт жихатидан узок давом этади. У шартли рефлекснинг ихтисослашиш жараёни билан ажралиб туради. Бу боскич давомида такрорий машклар йўсинидаги кўникманинг ривожланиши, ўрганилаётган харакатнинг тўгри бажарилиши борган сари яхшиланади.
Харакат кўникмаларининг бу боскичда хосил бўлиши тўлкинсимон кечади. Бу боскичда иккинчи сигнал тизими ролининг ошиши билан характерланади, бунинг натижасида бола вазифалар ва ўз харакатларни онгли тушунадиган бўлади.
III боскич – кўникманинг, динамик стрестипнинг мустахкамланишидир. Бу боскичга келиб бола кўникмаларни эгаллаган бўлади.
Бола харакатни унинг асосий вазифасини тушунган холда мустакил ва ишоч билан бажаради, орттирган кўникмасини реал вазиятлар (ўйин ва хаётий вазиятлар) да ижодий кўллай олади. Бундан ташкари кўникма ривожланишининг мазкур боскичида харакат техникасининг турли вариантларига мувофик кўшимча харакат реакциялари хам хосил бўлади.