Tuzuvchi: Bahronov Shahzod 2017-2018-o`quv yili

2-xossa. To`g`ri burchakli uchburchakning katetlaridan biri gipotenuzaning yarmiga teng bo`lsa, u katet qarshisidagi burchak 30º li bo`ladi.

3-xossa. To`g`ri burchakli uchburchakning gipotenuzaga tushirilgan

medianasi gipotenuzaning yarmiga teng.

Teorema (KK alomat). Bir to`g`ri burchakli uchburchakning katetlari ikkinchi to`g`ri burchakli uchburchakning katetlariga mos ravishda teng bo`lsa, bu uchburchaklar o`zaro teng bo`ladi

` Teorema (KB alomat). Bir to`g`ri burchakli uchburchakning kateti va unga yopishgan o`tkir burchagi, ikkinchi to`g`ri burchakli uchburchak ning kateti va unga yopishgan o`tkir burchagiga mos ravishda teng bo`lsa, bu uchburchaklar o`zaro teng bo`ladi.

Teorema (GB alomat). Bir to`g`ri burchakli uchburchakning gipotenuzasi va bitta o`tkir burchagi, ikkinchi to`g`ri burchakli uchburchakning gipotenuzasi va bitta o`tkir burchagiga teng bo`lsa, bu uchburchaklar o`zaro teng bo`ladi.

Teorema (GK alomat). Bir to`g`ri burchakli uchburchakning gipotenuzasi

va bitta kateti ikkinchi to`g`ri burchakli uchburchakning gipotenuzasi va

bitta katetiga teng bo`lsa, bu uchburchaklar o`zaro teng bo`ladi.

Teorema. Burchak bissektrisasining ixtiyoriy nuqtasidan burchak tomonlarigacha

bo`lgan masofalar o`zaro teng.

Teorema. Uchburchakning katta tomoni qarshisida katta burchagi yotadi.

Teskari teorema. Uchburchakning katta burchagi qarshisida katta tomon

yotadi.

Natija. Teng yonli uchburchakda teng tomonlar qarshisida teng burchaklar

yotadi.

Teorema. Uchburchakning istalgan tomoni qolgan ikki tomoni yig`indisidan kichik.

1-natija. Bir to`g`ri chiziqda yotmagan ixtiyoriy uchta A, B va C nuqta uchun

AC < AB + BC, AB < AC + BC va BC < AB + AC tengsizliklar o`rinli.

2-natija. Uchburchakning istalgan bir tomoni qolgan ikki tomoni uzunliklari

ayirmasidan katta.

Haqiqatan ham, AB < AC + BC, ko‘rinishidagi uchburchak tengsizliklaridan birini olib quyidagi almashtirishni bajaramiz: AB – AC < BC yoki BC > AB – AC.

Teorema. To`g`ri chiziqda yotmagan nuqta orqali bu to`g`ri chiziqqa perpendicular bo`lgan yagona to`g`ri chiziq o`tkazish mumkin.

Masala yechishni o`rganish uchun ko`proq masala yechish kerak!

Masalaga oid chizmani to`g`ri chiza olish va qo`shimcha chiziqlarni topa olish - masalaning yarmini yechish demakdir.

Kitobda xatolar bo`lsa sizdan uzr so`raymiz.