Тузувчи : Файзуллаева Н

Kichik muammoning yechimini topishga yordam beruvchi muammoli savollar: Jahon moliyaviy-iqtisodiy inqirozi ishsizlik darajasiga qanday ta’sir ko’rsatdi? Global inqirozning mamlakatimizda ishsizlik darajasining ko’tarilishiga ta’sirini qaysi omillar yumshatdi? Ish bilan bandlilik darajasini oshirish uchun respublikamizda qaysi yo’nalishla bo’yicha ish olib borimoqda?	Echimi: Global inqiroz bo’yicha ko’p sonli nashrlarni tahlil qilish shuni ko’rsatdiki, dunyoning rivojlangan davlatlari uchun inqirozning harakat nuqtasi moliyaviy bozorlarning beqarorligi bo’ldi va inqirozning rivojlanishi sxemasi quyidagi ko’rinishda bo’ldi: Moliyaviy bozorlarning beqarorligi → Kreditlarning qisqartirilishi va iste’molning pasayishi → Ishlab chiqarish va eksportning qisqarishi, ishsizlikning o’sishi. Mustaqillik yillarida mamlakatimizda iqtisodiy islohotlarning tanlab olingan strategiyasi, xususan uning bosqichma-bosqich amalga oshirilganligi, davlatning bosh islohotchilik rolini og’ishmay amalga oshirilishi, moliyaviy bozorlar qattiq tartibga solib turilganligi, iqtisodiyotga investitsiyalar jalb etish, eksport salohiyatini oshirish borasidagi amalga oshirilgan ishlar, tarkibiy o’zgarishlar, bank tizimining barqarorligini ta’minlash borasidagi chora tadbirlar jahon moliyaviy-iqtisodiy inqirozining respublikamiz iqtisodiyotiga ta’sirini yumshatuvchi omillar bo’ldi. Mamlakatimiz hukumati mahsulot eksport qiluvchi korxonalarni soliq to’lovlari muddatini kechiktirish, to’lanmagan soliqlar uchun penya hisoblashlarni to’xtatish, ma’lum sharoitlarda mahsulotlarini tannarxi, va hatto tannarxdan past baholarda sotishga ruxsat berish, bank kreditlari to’lovi muddatini kechiktirish yo’llari bilan qo’llab quvvatlash orqali ularning ishlab chiqarishni pasaytirmasligi va ish joylarini saqlab qolishi uchun sharoit yaratdi. Bugungi kunda kichik biznesni rivojlantirish, kasanachilikni keng joriy qilish, ishlab chiqarishni mahalliylashtirish ko’lamlarini kengaytirish, xizmatlar sohasini jadal rivojlantirish, uy joy qurilishini davlat tomonidan qo’llab-quvvatlash aholini ish bilan ta’minlashning ustuvor yo’nalishlari bo’lib qolmoqda.