Tushintirishxat I

BOSh REJA.

Avtomobillarga texnik xizmat ko‘rsatish stansiyasini bosh rejasini ishlab chiqish qurilish me’yorlari va qoida talablari (SNiP 1193-74) va (ONTP ATP-STO-80) asosida bajarilishi kerak.
Avtomobillarga texnik xizmat ko‘rsatish stansiyasini mintaqasida asosiy bino va tozalash inshoatlaridan tashqari TX va JT ishlarini kutuvchi avtomobillar uchun ochiq xolatda saqlash joyi, tayyor avtomobillarni saqlash joyi, imkoni bo‘lsa yopiq xolatda ko‘zda tutilishi lozim.
Ayrim xollarda stansiya hududida alohida binoda o‘z-o‘ziga xizmat ko‘rsatish va yuvish postlari joylashtiriladi.
Stansiya hududi shahar transporti va piyodalar harakatidan xolis bo‘lishi kerak. Xodimlarning, mijozlarning avtomobillari saqlanadigan ochiq avtomobil-joylari stansiyaning hududidan tashqarida bo‘lishi kerak.
Bosh rejaning asosiy ko‘rsatkichlari quyidagilar:
- qurilish maydoni;
- qurilish zichligi;
- mintaqadan foydalanish koeffitsienti;
- ko‘kalamzorlashtirish koeffitsienti.
Ishlab chiqarish binosini joylashtirish rejasini stansiyaning funksional tizimiga binoan tuzish kerak, ya’ni avtomobillarni ishlab chiqarish mintaqa va ustaxonalariga kirish ketma-ketligi, TX va JT mintaqasi va ustaxonalarining joylashtirish rejasi qurilish me’yorlari va qoidalari talablari (SN i P 11 93-74) asosida bajariladi.
Stansiya binolarining tarkibiga avtomobillarni qabul qilish va topshirish bo‘limi, ishlab chiqarish, omborxonalar, ma’muriy va maishiy binolar, mijozlar xonasi, avtomobil va extiyot qismlar sotish do‘koni, bufet yoki qaxvaxonalar kiradi. Stansiyaning ishlab chiqarish binosini qurishda temir beton konstruksiyadan tashqari, metall konstruksiyani modullardan foydalaniladi.
Agarda ATXKS ikki binoda joylashtirilsa, ulardan birida ma’muriy, savdo, maishiy va mijozlar uchun xonalar, ikkinchisiga ishlab chiqarish vazifasini bajaradigan binolarni joylashtirish tavsiya etiladi.
ATXKS bir binoda TX va JT postlari bilan birga motor, agregat, elektrotexnik va yoqilgi tizim asboblari ustaxonalarini joylashtirish mumkin.
Avtomobillarni qabul qilish va tozalash bo‘limini shunday joylashtirish kerakki, bunda harakatsiz TX va JT mintaqasi va ustaxonalariga borishi, hamda chiqib keta olishi kerak.
Mijozlar xonasini joylashtirish rejasi tuzilayotganda quyidagilar e’tiborga olinishi kerak:
- dispetcher xonasi, avtomobillar qabul qilish va topshirishi bo‘limlari yaqinida diagnostika mintaqasi, hamda buyurtma naryadi va mijoz bilan hisob-kitob kilinadigan idora va kassa joylashishi kerak.