Turoperatorlik faoliyati

3.2.Turizm bozoriga ta’sir kiluvchi asosiy omillar.

Turizm bozoriga va turizm talabiga bir qancha omillar ta’sir ko‘rsatadi. Turizm talabiga boshqa tovar va xizmatlar kabi aholining oladigan daromadi va ularni sayohat uchun ishlatishi ta’sir qiladi.

Turizm iqtisodiyotning bir tarmog‘i sifatida uch holatda: ya’ni aholining bo‘sh vaqti, etarli mablag‘i va dam olishi uchun xohish-istagining mavjudligi bilan barqaror bo‘ladi. Shu sababli yuqori darajada turizmga bo‘lgan talabni shakllantirish uchun, aholining bo‘sh vaqtini, daromadini oshirish yo‘llarini va xohishini amalga oshirish kerak. Turizmga bo‘lgan talabni oshiruvchi asosiy ob’ektiv omil bo‘lib aholining bo‘sh vaqti hisoblanadi.

Aholining ba’zi ehtiyojlari qondirilmaguncha turizm ommaviy ahamiyat kasb etmaydi. Turizm bozorini tahlil qilishda turizm bozoriga ta’sir qiluvchi asosiy omillar, ya’ni iste’molchilarning ijtimoiy –demografik va psixologik hatti-harakatlarini ko‘rib chiqamiz.

Bu erda asosiy omil bo‘lib aholining joylashish strukturasi, aholining daromadlar darajasi, ta’limi, mashg‘ulotlar turi, aniq bir irqqa mansubligi, jinsi, vaqti, ijtimoiy ahvoli va h.k.