«turon-iqbol»

Ilk qadam
AYRILIQ
Siz yo‘qsiz oromim, 
Xalovatim yo‘q.
Avval sizdan meni,
Ko‘nglim edi to‘q.
Sizga bo‘lgan mehrim,
Edi behisob.
Nahotki barchasi,
Bo‘lsa-ya sarob.
Juda sog‘inyapman,
Nahot qaytmaysiz.
“Doimo birgamiz” – 
Deya aytmaysiz.
Balki endi sizga,
Yo‘qdir keragim.
Opam ezib olgan,
Tilla ziragim.

---

25
Ilk qadam
Maftuna Ismatova 1997-yil 20-fevral-
da Samarqand viloyati Tayloq tumanining 
“Katta Ravot” qishlog‘ida tug‘ilgan. Dast-
lab, tumandagi 5-umumta’lim maktabida 
ta’lim olgan so‘ng, Urgut tibbiyot kollejining 
Hamshiralik kursiga imtiyozli ravishda qabul 
qilingan. Ijod namunalari “Urgut Sadosi” va 
“Qo‘shchinor” gazetalarida chop etilgan.
“Orzu bekatida” nomli she’riy to‘plam muallifi. O‘zbekiston 
yoshlar ittifoqi Samarqand viloyat Kengashi qoshida faoliyat yu-
ritayotgan Samarqand yosh ijodkorlar Kengashining faol a’zosi.
EY, TUN
Dardlaring ko‘zingdan bilmas hech kishi,
Tinglaysan sen neni yana sokin tun.
Yo‘q ekan o‘zganing birov-la ishi,
Shu sabab jimlikka cho‘kdingmi ey tun?..
Sen ham baxtlidirsan mendan ham ko‘proq,
Osmoningda to‘la kezar yulduzing.
Negadir sen qaytgach ezar ming so‘roq:
Nega hamroh bo‘lding menga bir o‘zing?..
Ikkimiz ham xuddi bir xilmiz go‘yo,
Yorug‘ tun qaytishin kutamiz tinmay.
Zulmat tun – hayotda yolg‘izmiz go‘yo,
Yashaymiz erta ne bo‘lishin bilmay.
Malhamsan dardimga o‘zing negadir,
Ketasanku umid bo‘lib har sahar
Ey, tun sen qaytganda doim negadir,
Qalbim sokinlikka cho‘kar shu qadar….
 

---

26