«turon-iqbol»

Ilk qadam
YAXSHILIK
Yaxshilik ber dillarga,
Yolvoraman Allohim.
Ezgulik ber ishimga,
O‘zing bo‘lgin panohim.
Yashagan tirik jonga,
Risq-ro‘z, baxtni ulashding.
Qalblarga umid berib,
Ezgu yo‘lda qo‘llashding.
Men ham bitta bandaman,
Yo‘llagaysan saodat.
To‘g‘ri yo‘lga boshlaydi,
Buvim qilgan ibodat.
MITTI NIHOL
Ikki kaft o‘rtasida,
O‘stirdilar bir nihol.
So‘nmasin umid gulim,
Egik bo‘lmas, qaddi dol.
INSON
Yaxshi ishlar kelar qilsa qo‘lingizdan,
Baxtni tilang, gul unadi yo‘lingizdan,
Faqat baxt ko‘rasiz o‘ng-so‘lingizdan.
Yomonlikdan yiroq bo‘lgin, yaxshi inson,
Bari yaxshi bo‘lar faqat shunga inon!

---

109
Ilk qadam
Muhammatov Umidjon 2004-yil 14-no-
yabrda Samarqand viloyatining Ishtixon tu-
manida tug‘ilgan. Dastlab, Ishtixon tumanidagi 
72-umumta’lim maktabida tahsil olgan. Hozirgi 
kunda Samarqand shahridagi ixtisoslashtirilgan 
60-maxsus maktab-internatining 9-sinf o‘quv-
chisi. Samarqand yosh ijodkorlar Kengashi 
hududiy koordinatori.
* * *
O‘ziga chorlaydi yerning nayrangi,
Ko‘zimga ko‘rinmas qora tuproq.
Ko‘zimni oladi samoviy rangi,
O‘sha qor kabi dardlarim oppoq.
Ko‘changdan yuraman yurakni quchib,
Derazang ko‘rinar va pastqam devor.
Bir kuni yoningga boraman uchib,
Va ko‘nglimdagini etardim oshkor.
Bugun yuragimga yog‘moqda qor,
Ko‘nglimni ham muzlatib qo‘ydi.
Seni sevaman desam ham yuz bor,
Ishonmadi, hazilga yo‘ydi.
Kipriklarim siypalab yog‘ardi qor,
Derazang ortida turar eding jilmayib.
Ichimda shivirlayman “yoniga bor”,
Afsus, yoningga borishga jur’atim mayib.
Yoningdan ketaman, tezlashar qadam,
Bir kuni albatta qaytaman.
Yurakda qolmaydi nadomat, alam,
Bir kun hammasini aytaman.

---

110