«turon-iqbol»

Ilk qadam
TABIAT VA RASSOM
Chizaverar rassom olam sehrini,
Bahor faslidagi gullar mehrini.
Tog‘, dala, suv oqar katta anhorlar,
Rassomga ilhom baxsh etar nahorlar.
QADRI YO‘QMI?
Kitob varaqlari zar oltinlardan,
Yaralmish eng go‘zal yolqinlardan.
Bilim berar senga baxtingdan ortiq,
Kitob tafakkurni etadi tortiq.
Senga inoyatlar qilgay buyuk zot,
Dunyoda foydasi tegadi katta.
Kitob o‘qimasdan uning qadrin top,
Kitob-la kam bo‘lmas inson albatta.
* * *
Do‘sting bilsin qilgan har bir ishingni,
Onang bilsin yurakdagi siringni.
Har bir oning bo‘lsin ezgulik taraf,
Dardlaringni Alloh qilgay bartaraf.
Niyat bo‘lsin yurakda oppoq parda,
Dunyo ishlaridan qolma armonda.
Boshpanasiz qolganlar-ku sarsonda,
Adashmagin bu hayot bir savdoda.

---

108