Tibbiy ta’limni qayta ko‘rib chiqish Tibbiyot institutlari shifokorlarni «elektron» bemor va yuqori texnologiyalar bilan ishlashga tayyorlashadi. Mutaxassislarni o‘qitish uzoq vaqt talab etadi va shuning uchun ham talabalar o‘rganayotgan tajribalar bitiruv vaqtiga kelib eskirib qolmoqda. Darsliklarning o‘rnini raqamli sinflar egallashi kerak, bu o‘z navbatida talabalar va amaliyotdagi shifokorlar o‘rtasidagi muloqotni ta’minlaydi hamda dolzarb axborot va resurslardan foydalanish imkoniyatini yaratadi.
Xirurgik va odamsimon robotlar Zamonaviy robotlar jarrohlarning imkoniyatini sezilarli darajada oshiradi, ular operatsiyalarni yuqoriroq aniqlikda va kamroq jarohat yetkazgan holda o‘tkazishga qodir. Robotlar hech qachon odamlarning o‘rnini bosolmaydi, lekin shifokorlar ularni o‘z ishlarida tez-tez ishlatadigan bo‘ladilar.
Kiyiladigan datchiklar Zamonaviy texnologiyalar sizga muhim tibbiy ko‘rsatkichlarni arzon va qulay usullarda o‘lchash imkonini beradi. Ixchamgina sensorlar bemorlarni kundalik faoliyatidan chalg‘itmasdan kerakli ma’lumotlarni to‘playdi. Bunday ma’lumotni yig‘ishning bir usuli kerakli datchiklar bilan jihozlangan elektron kiyim kiyib yurishdir.
DIY biotexnologiyalari Mavjud texnologiyalar va DIY ruhiyati muhandis va olimlarning yangi avlodini yaratadi. Butun dunyo bo‘ylab biolaboratoriyalar paydo bo‘lib, o‘zida ixtirochilarni, tajriba va kashfiyotlarni yaxshi ko‘radiganlarni birlashtiradi. Biotexnologiyadagi innovatsiyalar kelajak tibbiyotini butunlay o‘zgartirib yuborishga qodir bo‘ladi.
Mexanizatsiyalashgan ekzoskeletlar va endoprotezlar Ekzoskeletli kiyimlar shol odamlarga yana yurish imkoniyatini bergan bo‘lardi. Mazkur kiyim sezgini qayta tiklash, protezga real vaqtda miya bilan aloqa bog‘lash imkonini beradi. «Hozircha esa, — deydi doktor Mesko, — bunday narsalarni ishlab chiqaruvchilar uchun katta muammo inson qo‘li va oyoqlarining murakkab harakatlarini to‘g‘ri takrorlay oladigan qurilmalarni yaratishdir».
Qurilish sohasini rivojlantirishning 2021-2025 yillarga mo`ljallangan strategiyasi tasdiqlandi.
Strategiyada asosiy yo‘nalishlari sifatida quyidagilar belgilangan:
hududlarni shaharsozlik jihatidan rivojlantirish va ushbu darayonda jamoatchilikning samarali ishtirokini ta’minlash;
shaharsozlik faoliyatining sifati va xavfsizligini oshirish;
shaharsozlik faoliyati sohasidagi ma’muriy tartib-taomillarning samaradorligi, oqilonaligi va shaffofligini ta’minlash, shuningdek qurilish tarmog‘i tashkilotlari faoliyatining samaradorligini oshirish;
shaharsozlik faoliyatini raqamlashtirish, tarmoqqa zamonaviy axborot-kommunikatsiya texnologiyalarini joriy etish;
shaharsozlik faoliyati sohasida kadrlarni tayyorlash, qayta tayyorlash va ularning malakasini oshirish, ilmiy salohiyatni rivojlantirish;
Strategiyaga muvofiq quyidagilar amalga oshiriladi:
2025 yil oxiriga borib “Biznes yuritish” xalqaro indeksida “qurilishga ruxsatnomalar olish” yo‘nalishi bo‘yicha O‘zbekiston Respublikasining pozitsiyasini joriy 61,7 balldan 78,2 ballgacha yaxshilash belgilangan;
2025 yilga borib milliy shaharsozlik normalari va qoidalarining kamida 50 foizi xalqaro normativ va standartlar bilan uyg‘unlashadi;
2025 yilga borib barcha shaharlar va shahar posyolkalarining 25 foizi bosh rejalar bilan qamrab olishga erishiladi;
2025 yilga borib “Shaffof qurilish” milliy axborot tizimi doirasida qo‘shimcha to‘rtta elektron platforma yaratilishini, shuningdek ularning idoralararo axborot tizimlari va ma’lumotlar bazalari bilan integratsiya qilinishi ta’minlanadi;
2021 yil 1 yanvardan boshlab qurilish ustidan jamoat nazoratini ta’minlash maqsadida aholi punktlarining bosh rejalari jamoatchilik muhokamasi natijalarini hisobga olgan holda tasdiqlanadi.
2021 yil 1 martdan boshlab qavati ikki qavatdan (pastki qavatni hisobga olmagan holda) ortiq, balandligi yer yuzasidan 12 metrdan ortiq va (yoki) umumiy maydoni 500 kvadrat metrdan ortiq bo‘lgan bino va inshootlarni, shu jumladan yakka tartibdagi uy-joylarni qurish hamda rekonstruksiya qilish Qurilish vazirligi qoshidagi qurilish sohasida hududiy nazorat inspeksiyalari tomonidan ob’ektning loyiha hujjatlari majburiy ekspertizadan o‘tkazilgan hamda ob’ektning davlat qurilish nazorati o‘rnatilgan holda amalga oshiriladi;
loyiha hujjatlarini ekspertizadan o‘tkazmasdan mavjud bino va inshootlarning, shuningdek yakka tartibdagi uy-joylarning qavatini ko‘paytirish ham man etiladi;
2021 yil 1 iyungacha birlamchi ruxsat berish hujjatlari, loyiha-smeta hujjatlarini ishlab chiqish, ularni ekspertizadan o‘tkazishdan tortib ob’ektlarni foydalanishga topshirishgacha bo‘lgan barcha qurilish jarayonlarini nazarda tutuvchi Yagona ma’muriy qurilish reglamenti ishlab chiqiladi;
2021 yil 1 sentabrgacha fuqarolarga mustaqil ravishda qurilayotgan ob’ektlar to‘g‘risida axborot olish, noqonuniy qurilishlarni aniqlash, qurilish ob’ektlarida aniqlangan qoidabuzarliklarni qayd etish (foto va videomateriallar ko‘rinishida) va ularni qurilish sohasidagi nazorat bo‘yicha vakolatli organlarga yuborish imkonini beruvchi “Ogoh fuqaro” elektron tizimi yaratiladi;
Toshkent shahar Qurilish bosh boshqarmasi va Toshkent shahri tumanlari qurilish bo‘limlari Qurilish vazirligi bo‘ysunuviga o‘tkazilishi belgilangan.
