Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

Qisqacha xulosalar
1. Qurilish moddiy ishlab chiqarishning yirik sohalaridan biri bo‘lib, kapital qurilish asosan iqtisodiyotning real sektori tarmoqlari – sanoat va qishloq xo‘jaligi ishlab chiqarishining asosiy fondlarini kengaytirish, uni yangilash va zamonaviylashtirish maqsadlarida amalga oshiriladi.

2. Qurilish-investitsiya majmuasi, qurilish majmuasi, qurilish industriyasi tushunchalari bir-biriga organik bog‘langan, tashkiliy tuzilmalari faoliyati bir-biriga yaqindan aloqador faoliyat turlarining yig‘indisini ifodalaydi.

3. Qurilish milliy iqtisodiyotning barcha tarmoqlariga xizmat ko‘rsatib, asosiy fondlarni qayta takror ishlab chiqarish uchun sharoitlarni ta’minlaydi, iqtisodiyotning samarali tarkibini barpo etish, ishlab chiqaruvchi kuchlarni maqsadga muvofiq joylashtirish, respublikaning mineral xomashyo va boshqa tabiiy boyliklarini o‘zlashtirish, mehnat resurslarini ishlab chiqarish jarayoniga faol jalb etishga imkon beradi.

4. Mustaqillik yillarida qurilish ishlari tibbiyot, ta’lim, uy-joy va kommunal xo‘jaliklarida jadal sur’atlarda va tizimli amalga oshirildi. Uy-joy qurilishi sohasida bozor munosabatlarining rivojlanishi natijasida sohada kichik biznes va xususiy tadbirkorlikning tashabbuslari to‘la qaror topdi.

5. Qishloqda uy-joy qurish va ijtimoiy infratuzilmani rivojlantirish mamlakatimizni ijtimoiy-iqtisodiy rivojlantirishning muhim ustuvor yo‘nalishlaridan biriga aylandi. Qishloqlarda zamonaviy uy-joylar qurilishiga alohida e’tibor qaratilmoqda.