Turizm (faoliyat yo’nalishlari bo’yicha) 5610200-Mehmonxona xo’jaligini tashkil etish va boshqarish

Tanishuv malaka amaliyotining bosh maqsadi.

5610300-Turizm (faoliyat yo’nalishlari bo’yicha), 5610200-Mehmonxona xo’jaligini tashkil etish va boshqarish ta’lim yo’nalishi talabalari tanishuv amaliyotining bosh maqsadimiz raqobatbardosh mutaxassis kadrlarni tayyorlashga erishish, talabalarning fanlarni nazariy o’zlashtirishdagi bilimlarini amaliyot bilan chambarchas bog’lab, mutaxassisligi bo’yicha mustaqil ish ko’nikmalarini hosil etish.

Tanishuv malaka amaliyotining asosiy vazifalari.
5610300-Turizm (faoliyat yo’nalishlari bo’yicha), 5610200-Mehmonxona xo’jaligini tashkil etish va boshqarish ta’lim yo’nalishi talabalari tanishuv amaliyotining asosiy maqsadiga erishishi uchun quyidagi vazifalarni bajarishlari lozim.

1.Termiz davlat universiteti 5610300-Turizm (faoliyat yo’nalishlari bo’yicha) va 5610200-Mehmonxona xo’jaligini tashkil etish va boshqarish ta’lim yo’nalishi talabalari 2-semestr o’quv jarayonida olgan nazariy-kasbiy bilimlarini, tajribalarini va ko’nikmalarini amaliy kasb faoliyatida chuqurlashtirish;

2. Amaliyot bo’yicha bilim, tashkiliy ko’nikmalarini hosil qilib dastur rejasiga amal qilish;

3. Talabalarning amaliyotdagi ish sifatini doimiy takomillashtirib mutaxassislikka ega bo’lish:

4. Kommunikativ ko’nikmalarini rivojlantirish;

5. "Turizm va mehmonxona xo’jaligi" mutaxassislik kasb etikasi tartiblari manfaatlari dan kelib chiqqan holda muammoli masalalar va vaziyatlarni yechishni o’rganish va takomillashtirish;

6. Amaliyot natijalarini tahlil etib, amaliy va ilmiy takliflar berish;

7. Amaliyot davomida olgan bilimlarini nazariy bilimlari bilan solishtirib, amaliyot ob’ekti iqtisodiyotini takomillashtirish bo’yicha mustaqil ravishda takliflar berish;

8. Foydalanilgan va qo’llanilgan adabiyotlar po’yxatini tuzish;

9. Tanishuv amaliyotini o’tagan ob’ekt va ilmiy rahbaridan taqriz va tavsifnomalar olish.

10. Amaliyot hisobotini aniq belgilangan muddatda kafedraga to’liq topshirish.

11. Amaliyot hisobotini belgilangan muddatda kafedra qoshida tashkil etilgan komissiya huzurida himoya qilish.