Тупроқ унумдорлигига салбий таъсир этувчи жараёнларга қарши курашишнинг геоэкологик асослари

       Shamol  ta’sirida  yemirilish. 

Qumlar,  qumli  va  boshqa  yengil  mexanik 

tarkibga  ega  yerlar  kuchsiz  suv  bosishi  va  iqlim  quruqligi  sharoitida  bo’laklarga 

oson ajraladi hamda harakatga keladi. Yemirilishga qarshi agrotexnika qoidalariga 

rioya  qilmaslik  va  qumli  yerlarni  shudgorlash  hamda  rejalashtirish  natijasida 

qumlar  harakatga  kelib,  ariqlar  va  yo’llarni  qoplab  oladi.  O’zbekistonda 

sug’orilmaydigan  hududlar  asosan  shamol  va  yaylovlar  ta’siri  ostida  yemiriladi. 

Orol  dengizining  qurigan  tubidan  har  yili  atmosferaga  15  million  tonnadan  

75  million  tonnagacha  chang  ko’tariladi  va  ekin  ekishga  yaroqli  holga  keltirilgan 

yerlarga  tushadi  hamda  ularga  salbiy  ta’sir  ko’rsatadi.  O’zbekistonning 

sug’oriladigan  yerlarining  shamol  ta’sirida  yemirilishi  Farg’ona  va  Zarafshon 

vodiysi, Qarshi cho’lida keng tarqalgan. Qaqratadigan, ya’ni “afg’on” deb atalgan 

bunday  shamol  Qashqadaryo  va  Surxondaryo  viloyatidagi  xo’jaliklarda 

hosildorlikni pasaytirib yubormoqda. 1965-yilda 395,1 ming gektar sug’oriladigan 

---

 

31 

maydon  shamol  ta’sirida  yemirildi,  2004-yilda  bunday  maydonlar  qariyb  

1,5 baravarga ko’paydi va 628,4 ming gektarga yetdi. Shamol ta’sirida yemirilgan 

yerlar  Toshkent  (138,6  ming  ga),    Samarqand  (121,9  ming  ga)  va  Qashqadaryo 

viloyatida  (159,7  ming  ga)  joylashgan.  Bu  yerlar  yemirilishga  qarshi  tadbirlar 

o’tkazilishiga muhtoj.