Тупроқ физикаси

Тупроқ ѐпишқоқлигининг қуйи чегарасини аниқлаш.
Бу услуб 
А.М.Васильев томонидан таклиф этилган ―балансирли конус‖ асбобнинг 
конуссимон қисмини ўз оғирлиги таъсирида (асбобнинг соф оғирлиги 76 г) 
тупроқдан тайѐрланган хамирсимон массага 10 мм чуқурликка кириши ва бу 
тупроқ массасининг намлигини аниқлашга асосланган А.М.Васильев 
асбобининг умумий кўриниши (12-расм). 
Иш тартиби. 
Диаметри 12 см бўлган чинни пиѐлачага физик таҳлиллар 
учун тайѐрланган тупроқдан 30-40 г олиб хамирсимон масса қилинади. 
Агрегатларнинг (заррачаларнинг) бир меъѐрда намланишини таъминлаш учун 
хамирсимон масса тагига солинган махсус эксикатор бир сутка давомида 
қолдирилади. Эртаси кун хамирсимон масса яхшилаб аралаштирилиб, махсус 
алюмин стаканчага зич қилиб жойлаштирилади. Сўнгра стакандаги хамирсимон 
масса юзаси махсус темир ѐки қаттиқ пластмасса шпатели билан текисланади 
ва стаканча махсус ѐғоч супача (подставка) устига қўйилади. Унинг юзасига 
конуснинг ўткир учини тўғрилаб дарҳол қўлни олиш лозим. Агар конуснинг 
ўткир учи ўзининг соф оғирлиги билан белгиланган 10 мм ли чизиққача кирса, 
таҳлил тамом бўлган ҳисобланади. 
Борди-ю, конуснинг ўткир учи бу жараѐнда белгиланган 10 мм ли 
чизиқдан ўтиб кетса, унда хамирсимон массадан бир оз намликни парлатиш 
лозим, агарда 10 мм ли чизиққа етмаса, уни бир оз намлаш керак. Шундан сўнг 
дарҳол тупроқ массасидан унинг намлигини аниқлаш учун намуна олинади. 

---

73 
Намликни аниқлаш ва ҳисоблаш гигроскопик намни ўрганиш тартибида олиб 
борилади. 
12-расм. Васильев балансирли конусининг умумий кўриниши: 
1-тупроқ намунаси ўрнатиладиган махсус мослама; 2-бир хил шаклдаги ва 
оғирликдаги 2 та металл шар; 3-конусининг марказий ушлагичи; 4-ўткир учли 
конус (унинг умумий баландлиги 25 мм, тупроқ массасига кириш баландлиги 10 
мм); 5-ѐпишқоқлиги аниқланиши керак бўлган намланган тупроқ намунаси 
солинган алюмин стаканча. 
Таҳлил 3-4 марта такрорланди. Олинган маълумотлар абсолют қуруқ 
тупроқ массасига нисбатан фоиз ҳисобида берилади ва бу кўрсаткич 
тупроқ 
ѐпишқоқлигининг қуйи чегараси
деб ҳисобланади.