Treyderlar uchun qo’llanma: Doimiy daromad qiluvchi Treyder bo’lishning eng tez va xavfsiz yo’li

Qanday qilib shamcha signal va shablonlari orqali savdo qilish mumkin?

Avval, shamcha signal va shablonlarining butunlay shakillanib bo’lishini kutishingiz kerak. Keyin esa shunga mos pozitsiya ochib kerakli stop lossni qo’yasiz. Tasdiqlash shamchasining yopilishini kutishingizni maslahat beraman. Long pozitsiyalar uchun stop loss tasdiqlash shamchasining ochilish narxi ostiga, short pozitsiyalar uchun esa tasdqilash shamchasi ochilish narxining ustiga qo’yiladi.

Double Bollinger Bands Strategiyasi.

Ushbu Double Bollinger Bands (Ikkita Bollinjer Bands) strategiyasi mexanik strategiya hisoblanadi. Yani unda savdo qilishda bozorni analiz qilib, savdo imkoniyatining kuchini o’lchashingiz keragi yo’q. Bu huddi oq va qora kabi aniq – yo savdo imkoniyati mavjud va bozorga kirishingiz kerak yoki yo’q.

Bunday mexanik tizim bozorni analiz qilib texnik analiz yoki shamchalar shablonlariga asoslangan kuchli savdo imkoniyatlarini kutishga sabri yetmaydigan yoki yetarlicha bilimga ega bo’lmaganlar uchun qulay hisoblanadi. Uning signallari bozorga kirishingiz yoki kirmasligingiz kerakligini aniq ko’rsatadi. Ammo, tanganing boshqa tarafi ham bor deganidek bazida, ayniqsa bozor sharoitlari o’zgargan bazi oylarda bu tizimning muvaffaqqiyat darajasi juda pastga tushib ketishi mumkin. Bunday paytlarda mexanik tizimlardan foydalanish unchalik ham yaxshi fikr emas. Mexanik tizimlardan foydalanmoqchi bo’lsangiz manashuni doim yodda tuting.

Ushbu tizim foreks treyderlari orasida doimiy foyda beruvchi tizim sifatida tanilgan. Ammo, u grall emas va uning mexanikligi sababli bazida ketma-ket zararli savdolarga ham tushib qolishingiz mumkin.