Транзакции

Блокировка

• МБ да маълумотларни параллел қайта ишлаш муаммоси қуйидагича ечилади, жадвал сатрлари блокланади ва ушбу сатрларни модификацияловчи навбатдаги транзакциялар инкор этилади ва кутиш режимига ўтказилади. МБ бутунлик хоссасини таъминлашда транзакциялар фойдаланувчиларни изоляциялашнинг мос бирлиги хисобланади. Ҳақиқатда, агар ҳар бир МБ билан алоқа ўрнатувчи сеанс транзакциялар орқали ўрнатилса, у холда фойдаланувчининг ҳар бир мурожаати МБ нинг бутун холатидан бошланади.

Транзакцияларни бажаришдаги муаммолар

Агар маълумотлар базасини бошқариш тизимида блокировка механизми мавжуд бўлмаса, бирор маълумотни бир нечта фойдаланувчи томонидан ўқиш ва ўзгартиришда қуйидаги муаммолар юзага келади:

• Охирги ўзгартириш муаммоси (ёки йўқотилган янгилаш) (lost update) юзага келади, қачонки бир қанча фойдаланувчилар битта сатрни аввалги қийматига асосланган холда ўзгартирганда, яъни бунда оралиқ маълумотлар қисми йўқотилади; чунки ҳар бир навбатдаги транзакция олдинги транзакция қийматларини қайта ёзади. Ушбу холатнинг ечими ўзгаришларни кетма-кет киритиш орқали амалга ошади;
• «ифлос" ўқиш муаммоси (dirty read) агар фойдаланувчи маълумотлар мантиқан тўғри холатига келгунча бир неча марта уларни қайта ишловчи мураккаб амалларни бажарганда юзага келади. Агар ушбу вақтда бошқа фойдаланувчи жорий маълумотларни ўқиб олса, у холда мантиқан мос бўлмаган маълумотларни олади. Бундай муаммони ечиш учун маълумотларни ўқиш амали барча ўзгартириш амалларидан кейин амалга оширилиши керак.;
• Такрорланмайдиган ўқиш муаммоси (non-repeatable read) транзакция битта маълумотни бир нечта марта ўқиб олганида юзага келади. Биринчи транзакция бажарилаётганда бошқа транзакция жорий маълумотларни ўзгартириш мумкин ва шунинг учун биринчи транзакция жорий маълумотларни такрорий ўқишда бутунлик шарти ёки мантиқий мослиги бузилган маълумотларни ўқиб олади;
• Фантомларни ўқиш муаммоси (phantom reads) бирор транзакция маълумотни ўқиб олганидан кейин ва бу транзакция тугамасидан олдин бошқа транзакция жорий маълумотни ўзгартирганда ёки ўчирганида юз беради. Бунда жадвалдан ўқиб олинган қийматлар нотўғри хисобланади.