Transport vositalarining ish unumini aniqlash

Шаҳарлараро ташишдаги майда партияaли юкларни бир жойга йиғиб комплектлаб ташишни ташкил этишда юк ташиш автомобили бекати (ЮТАБ)нинг аҳамияти катта. Бундай бекатлар омборига юкларни тегишли транспорт воситалари келтирадилар. Юкларни йўналишларига қараб комплектлаб, автопоездларда юк эгаларига жўнатилади. Бундай, олдиндан комплектлаб юкларни ташиш тизими, автомобил ва автопоездлар юк кўтариш қобилиятидан унумли фойдаланиш имконини беради. Баъзи бир майда партияaли юкларни ташиш режали бўлмай тасодифий (эпизодик) бўлишлари мумкин. Бундай ташишларни ташкил этишда мижозлар омборларидан ЮТАБ га келтирилмасдан тўғридан-тўғри юкларни транспорт воситаларида йиғиб юк қабул этувчиларга ташилади. Бундай ташишларни ташкил этишда белгиланган вақтда ташишга катта эътибор бериш лозим бўлади. Шаҳар ичи (шаҳар атрофи) шароитларида майда партияли юкларни йиғиб ёки тарқатиб ташиш маршрутлари тузиш лозим (расм). Йиғиб ташиш маршрутида автомобил маршрутда йўл-йўлакай майда партияли юкларни кетма-кет йиғиб бориб, уни сўнгги манзилга юк эгасига топширади (масалан, кийимларни қабул пунктидан кимёвий тозалаш фабрикасига ташишда). Тарқатиб ташишда эса автомобил бош юк жўнатиш жойидан тўла ортилиб (масалан, нон заводи), уни қабул этувчиларга (дўконларга) кетма-кет етказиб берилади

Логистиканинг максади - энг кам меҳнат ва моддий харажатлар билан юкларни айнан вақтида етказиб бериш. Материаллар, хомашё ва тайёр маҳсулотларни айнан вақтида етказиб бериш бутун иқтисодий тизимнинг ишлаб туришига қулай шароит яратади, корхоналар омборларидаги захиралар миқдорини анча камайтириш имконини беради. Логистика тўлиқ даражада истеҳмолчига хизмат қилади. Шунинг учун логистика доирасида тарқатиш ва сотиш вазифалари фақат бир вақтда 6 шарт мавжудлигида амалга ошади. Бу шартлар - юк, сифат, миқдор, вақт, харажатлар ва етказиш жойи. Бу ишларнинг бир вақтда мавжуд бўлиши учун материаллар оқимини қулайлаштириш керак, тара ва ўрашни ихчамлаштириш бўйича, юк бирликларини унификациялаш бўйича (яҳни юк ташишда пакет ва контейнерлардан фойдаланиш), самарали омборхоналар тизимини тузиш бўйича буюртмалар миқдорини ва захиралар даражасини қулайлаштириш бўйича, юкларни ташишда энг фойдали маршрутларни белгилаш бўйича чора - тадбирлар амалга оширилиши керак.