Transport kommunikatsiya va infratuzilmalarini rivojlantirish savdo-iqtisodiy aloqalarning kengayishida

---

Transport kommunikatsiya va infratuzilmalarini rivojlantirish savdo-iqtisodiy aloqalarning kengayishida,

mamlakatlarga xorijiy investitsiyalarni jalb etishda muhim ahamiyat kasb etadi. Ushbu soha taraqqiyoti

iqtisodiyotning boshqa tarmoqlari rivojida katta ta'sir kuchiga ega. Аyni shu jihatlarni inobatga olib mazkur

yo’nalishda katta ishlar amalga oshirilmoqda. Zero, bugun mamlakatimiz oldida xalqaro savdo va transport

logistikasi tizimini shakllantirish, tovarlar va xizmatlarni yetkazib berishning global bozoriga kirib borish,

hamda u yerdagi kuchli raqobatga bardosh bera olishdek dolzarb vazifalar turibdi.  

Аvtomobil transporti kadrlari malakasini oshirish va qayta tayyorlash institutida “O’zbekistonda transport

logistika infratuzilmalari imkoniyatlarini oshirishning dolzarb masalalari” mavzusida bo’lib o’tgan davra

suhbatida ayni shu yo’nalishda o’z yechimini kutayotgan muammolar, soha rivojini ortga tortayotgan

omillar  va  kamchiliklar  ularni  bartaraf  etish  yo’llari  hususida  so’z  bordi.  Davra  suhbatida  Oliy  Majlis

Qonunchilik palatasi Sanoat, qurilish va savdo masalalari qo’mitasi vakillari, Transport vazirligi, Davlat

bojxona qo’mitasi xodimlari, yuk va yo’lovchi tashish bilan shug’ullanuvchi kompaniyalar rahbarlari ishtirok

etishdi.  

---

Bugungi  kunda  mamlakatimizda  transport  logistikasini  rivojlantirish,  undagi  xizmat  turlarini

zamonaviylashtirishga  katta  e'tibor  qaratilmoqda.  Jumladan,  “2017  -  2021  yillarda  O’zbekiston

Respublikasini rivojlantirishning beshta ustuvor yo’nalishi bo’yicha Harakatlar strategiyasi”da transport

sohasini rivojlantirish bo’yicha bir qancha vazifalar belgilangan. Bu iqtisodiyotni liberalashtirish, Jumladan:

 

-milliy transport logistika kompaniyalari o’rtasida raqobat darajasini oshirish;

 

-avtomobil parklarini kengaytirish;

 

-yo’l-transport infratuzilmasini yanada rivojlantirish;

 

-eksportga  mo’ljallangan  milliy  mahsulotlar  narxlarini  raqobatdosh  qilish  maqsadida  yuklarni  bir

transportdan  boshqasiga  qayta  yuklash  punktlari  sonini  oshirish;

 

-avtomobil yo’llari holatini yaxshilash va yo’l-transport infratuzilmasini rivojlantirish belgilab o’tilgan.

 

Qolaversa, transport xizmati ko’rsatishni tashkil etish tizimini yanada takomillashtirish, mulkchilikning

barcha  shakllaridagi  tashuvchilar  uchun  raqobat  muhitini  hamda  qulay  shart-sharoitlarni  yaratish,

shuningdek respublikaning transport salohiyatini oshirish maqsadida, 2019 yil 6 martda “Yuk va yo’lovchi

tashish  tizimini  tubdan  takomillashtirish  chora  –tadbirlari  to’g’risida”  PQ-4230-sonli  O’zbekiston

Respublikasi  Prezidentinig    qarori  qabul  qilindi.  

 

Davra  suhbatida  avtotransport  xizmatlari  sohasini  jadal  rivojlantirishning  mavjud  imkoniyatlari  va

zaxiralaridan  to’liq  foydalanish.  Аvtotransport  xo’jaliklarini  modernizatsiya  qilishni  zamonaviy  talablar

---

darajasiga  ko’tarish,  sohaga  ilg’or  axborot-kommunikatsiya  texnologiyalari  va  intellektual  transport

tizimlarini yetarli darajada joriy etish. Og’ir yuk tashuvchi avtotransport vositalarining harakatdagi tarkibi

parkini  yangilash.  Mamlakatning  avtotransport  xizmatlari  eksporti  va  tranzitini  oshirish  salohiyatining

imkoniyatlari va zaxiralaridan to’laqonli foydalanish zarurligi hususida so’z bordi.

Shuningdek, davra suhbatida yuk tashish bilan shug’ullanuvchi kompaniya vakillari ham o’z taklif va

mulohazalari bilan ishtirok etishdi. Jumladan ular milliy va xorijiy avtotashuvchilar tomonidan yuklarni

O’zbekiston va chet mamlakatlar hududlari orqali olib o’tishda ularga kirish, chiqish va tranzit shartlari

to’g’risida muntazam ravishda axborot berish lozimligni, xorijiy va milliy tashuvchilar o’rtasida sog’lom

raqobat muhitini shakllantirishda ularga bir xil shart-sharoit va imkoniyatlar yaratilishi zarurligini ta'kidlab

o’tishdi.  

 

Аvtomobil transporti kadrlari malakasini oshirish

va qayta tayyorlash instituti, Matbuot xizmati