Transport energetik qurilmalari

3. Surkov moylarning suvda, benzinda erishini tekshirish.


Ishni bajarish tartibi:
Surkov moylarni suvda va benzinda erishini tekshirish uchun shisha tayoqcha uchida taxminan 1 mg miqdorida moy olinib ikkita probirka tagiga (devorlariga tekizmay) tushiriladi va biriga to’rt xissa distirlangan suv, ikkinchisiga shuncha miqdorda benzin quyiladi. Suv solingan probirka gazli (spirtli) lampada aylantirib turib qizdiriladai. Agar probirkadagi surkov moy quyultiriluvchi to’liq erib, yuzida moy suzib yuruvchi xira eritma (sovunli) xosil qilsa, sovutilganda esa suv yuzida yana quyuq moy ajralib, suv pastida tiniq ajralib qolsa, demak, bu surkov moyi suvda erishini ko’rsatadi. Ikkinchi probirkaga ham xuddi shu tartibda 60⁰Cdan yuqori xaroratda alangaga tutiladi va tiniq eritma xosil bo’lsa, bu surkov moyi benzinda erishini ko’rsatadi.
Shunday qilib xulosa qilish mumkinki, natriyli sovundan tayyorlangan surkov moyi suvda, uglevodorodli quyultiruvchida tayyorlangan surkov moyi benzinda eriydi. Kalsiyli va litiy moylar suvda xam benzinda xam erimaydi.


Olingan natija bo’yicha xulosa beriladi.


LABORATORIYA ISHI № 13
PLASTIK SURKOV MOYLARINING TOMCHILAB TUSHISH XARORATINI VA KOLLOID BARQARORLIGINI ANIQLASH (4 soat).


Laboratoriya ishini bajarishdan maqsad:

1. 
   Plastik moylarining sifatini bildiruvchi asosiy ko’rsatkichlarini aniqlash yo’l­lari bilan tanishish.
   
2. 
   Plastik moylarning markalari va ularga standart talablari to’g’risidagi bilimni mus­taxkamlash.
   
3. 
   Plastik moylarni sifatini baxolash va ishlatish sharoitini o’rganish.
   

Laboratoriya ishini bajarish uchun kerakli asboblar va jixozlar:
1) Plastik surkov moy namunasi;
2) Silindrlar va probirkalar;
3) Tomchilash xaroratini maxsus asbobi.
Topshiriq: Berilgan Plastik moylarning namunasini tekshirib uning mar­ka­sini va turini aniqlash, olingan ko’rsatkichlarini GOST talablari bilan so­lish­ti­rish. Laboratoriyadagi bor standart Plastik moylarning namunalari bilan tanishish va tek­shirilayotgan moy namunasini tashqi ko’rinishi bo’yicha solishtirib markasini aniqlash.Plastik moylarni sifatini baxolash va ishlatish sharoitini o’rganish.
Tomchilash xaroratini maxsus asbobda (13.1 rasm) aniqlanadi.