IV. Аттестацияни ўтказиш.
4.1. Аттестациядан (қайта аттестациядан) ўтказишнинг Аттестация комиссияси томонидан тайинланган муддатда аттестациядан ўтказиладиганлар рўйхатига киритилган шўъба корхонаси ходими аттестациядан ўтиш учун кўрсатилган жойга келади.
4.2. Аттестация комиссияси тест саволлари орқали ва (ёки) аттестация саволномаси бўйича саволлар бериб, аттестациядан ўтаётган шахсни тинглайди. Аттестациядан (қайта аттестациядан) ўтиш пайтида аттестациядан ўтаётган ходимга маълумот тусига эга, махсус ва бошқа адабиётлардан, бирор-бир ёзувлардан, шунингдек уяли ёхуд бошқа алоқа воситаларидан фойдаланиш ман этилади. Кўрсатиб ўтилган талаблар бузилган тақдирда, аттестациядан ўтишга даъвогар аттестацияланаётган ходим аттестациядан четлатилади.
Аттестациядан четлатилган аттестацияланаётган ходим аттестациядан ўтмаган деб ҳисобланади.
4.3. Аттестация давомида аттестациядан ўтаётган ходим ушбу Низомнинг 3.7. бандида кўрсатиб ўтилган билимга эгалигини намойиш этиши лозим.
4.4. Аттестация натижаларига кўра Аттестация комиссияси қуйидаги қарорлардан бирини қабул қилади:
а) малака талабларига жавоб беради;
б) малака талабларига жавоб бермайди;
в) Аттестация комиссияси тавсияларини бажариши ва 6 ойдан кейин қайта аттестациядан ўтиш шарти билан малака талабларига жавоб беради.
4.5. Аттестация натижалари аттестациядан ўтаётган ходимга аттестация якунида бевосита маълум қилинади ва овоз беришда иштирок этган Аттестация комиссияси раиси ва аъзолари ҳамда котиб томонидан имзоланадиган Аттестация комиссияси баённомаси билан расмийлаштирилади.
Аттестациядан ўтаётган ходимга мазкур Низомга 2-иловага мувофиқ аттестация варағи берилади.
4.6. Тегишли малака талабларига жавоб беради деб топилган аттестациядан ўтаётган ходим аттестация варағининг амал қилиш муддати 3 йилни ташкил этади.
4.7. Аттестация якунларига кўра малака талабларига шартли равишда жавоб беради деб топилган шўъба корхонасининг ходими 6 ойдан кейин аттестацияга қайтадан қўйилади.
4.8. Аттестация комиссияси котиби аттестациядан ўтган ходимлар рўйхатини юритади. Аттестациядан ўтган ходимлар реестри қоғозли ташувчиларда (тикилган ва ваколатли органнинг муҳри билан тасдиқланган, тикилган саҳифалар миқдори кўрсатилган журналлар шаклида) ҳам, компьютер дастурига киритилган ёзув кўринишидаги электрон ташувчиларда ҳам юритилиши мумкин.
Журнал ёхуд компьютер дастурида аттестациядан ўтган ходимнинг қуйидаги маълумотлари кўрсатилади:
- аттестациядан ўтган ходимнинг фамилияси, исми, отасининг исми ва лавозими;
- аттестациядан ўтган ходимнинг яшаш жойи ва паспорт маълумотлари;
- аттестация варағи берилган жой, рақами, берилган санаси ва амал қилиши тугайдиган муддат;
- аттестация варағи олинган сана ва аттестация варағини олган ходимнинг имзоси;
- Аттестация комиссияси реестрга киритиш лозим деб топган исталган ахборотни ўз ичига олган изоҳ.
Do'stlaringiz bilan baham: |