Трактор ва экскаваторларни ишлатиш ва таъмирлаш жараёнида хавфсизликни таъминлаш қоидалари Режа

Трактор ва экскаваторларни таъмирлаш дастури
Трактор ёки экскаваторни ишлатишдан олдин ҳайдовчи чиқарувчи заводнинг техник тузилиш баённомасида ва ишлатиш бўйича йўриқномасида келтирилган техникавий тавсифларни ўрганиб чиқиши лозим. Трактор ёки экскаваторни қандай бошқариш кераклигини билиб олиши керак.. Тракторни қандай қилиб тўхтатиш ва нохуш ҳолатда қандай ҳаракатларни амалга ошириш кераклигини билиб олиши керак.
. Кундалик техник кўрик
Тракторингизни ҳар кун кўздан кечириш орқали сиз унинг техник ҳолатининг жуда яхши сақланишини таъминлайсиз ва ўз навбатида бу орқали трактор соғлигингиз учун хавф туғдириши эҳтимолини камайтирасиз. Кундалик кўздан кечиришни ҳар куни амалга ошириш керак. Трактор йўриқномасида, кундалик техник кўрик қандай амалларни ўз ичига олиш кераклиги масаласига бағишланган бир қатор маълумот бор.
“Беларусь” тракторларининг мотори фақат дизел ёқилғиси билан ишлайди. Бевосита сизнинг тракторингизга тўғри келадиган ёқилғи турини ишлатинг ва ҳеч қачон трактор моторини ўчирмаган ёки трактор мотори ўта қизиган ҳолда, тракторингизга ёқилғи қуйманг. Моторни ўчиринг ва совуқ ҳолатга келишини кутинг. Ёқилғи қуйишдан олдин ва ундан сўнг ёқилғи бакининг қопқоғи атрофини артиб юборинг. Тракторга ёқилғи қуяётган пайтда чекманг.

Трактор моторини ўчирганингизда тракторнинг олд тиғи ва экскаватор чўмичини пастга туширинг.
Агар дизел ёқилғи сизнинг қўлингизга, юзингизга ва кийимларингизга сачраб кетса дарҳол ювиш воситалари ёрдамида сув билан ювиб юборинг, акс ҳолда қўл ва юз териси шикастланиши мумкин ёки қўлингиз трактор рулидан сирғаниб кетиши мумкин, кийимингиз эса ёнғинга нисбатан хавфли бўлиб қолади.
Тракторни ҳайдашдан олдин, тракторнинг қисмларини қуйидагича кўздан кечиринг, керак бўлса, носозликларни тузатинг:
1. Мотор, трансмиссия ва тракторнинг бошқа қисмларидан мой оқмаганлигини кўздан кечиринг.
2. Моторни совитувчи суюқлик даражасини текширинг ва радиатор ифлосланмаганлигига амин бўлинг.
3. Ҳаво фильтрини текширинг ва тозалигини аниқланг.
4. Юқори босим остида бўлган дизел ёқилғиси ва гидравлик мойи оқмаганлигига амин бўлинг, Буни текширар экансиз, ўта диққат билан ҳаракат қилинг. Бир парча картон ёки тахта ёрдамида ёқилғи ёки суюқлик айнан қаердан оқаётганини аниқланг – ҚЎЛИНГИЗ БИЛАН аниқлашга ҳаракат қилманг. Гидравлик мойи ёки дизел ёқилғиси юқори босим остида тана терисини тешиб ўтиши мумкин ва бунинг оқибатида жиддий жисмоний зарар ва аллергик таъсир етказилиши мумкин. Ўзингизнинг саломатлигингиз учун дизел ёқилғиси ёки гидравлик мойи оқаётганини билиб қолсангиз, бундай носозликни дарҳол тузатинг.

Тракторнинг барча мойланиши керак бўлган қисмларини аниқланг ва мойлаш жадвали асосида мойланг
Тракторга кундалик техник хизмат кўрсатиш, мунтазам равишда тракторнинг турли силжийдиган қисмларини (хусусан, тракторнинг юк ортувчи механизми ва экскаваторни) мойлашни, мотор мойининг ҳолатини текшириш ва керак бўлса, алмаштиришни, гидравлик мойи ва аккумулятор суви даражасини текшириш, ғилдирак ҳаво босими ва фильтрлар ҳолатини текширишни назарда тутади. Бундай техник кузатув ва таъмир ишларини таъмир жадвали асосида амалга ошириш мақсадга мувофиқдир. Сувдан фойдаланувчилар уюшмаларини қўллаб-қувватлаш Дастури тракторларни ҳар баҳор ва кузда устахона текширувидан ўтказишни тавсия этади; тез-тез ишлатиладиган тракторлар эса ҳар 100 соат ишлагандан сўнг устахона текширувидан ўтказилиши тавсия этилади.