Toy-merekelerdi ıqsham ótkeriw máselesi dodalandı

---

Toy-merekelerdi

 ıqsham

ótkeriw máselesi dodalandı

Nókis qalasında puqaralardıń ózin-ózi basqarıw uyımlarınıń bir

topar  belsendilerine  «Mahalla  iftixori»  kókirek  belgisin

tapsırıw,  sonday-aq,  Ózbekstan  Respublikası  Oliy  Majlisi

Nızamshılıq  palatası  hám  Senatı  Kengashlarınıń  usı  jıl  14-

sentyabrdegi  «Toylar,  shańaraqlıq  saltanatlar,  mereke  hám

máresimlerdiń  ótkeriliwin  tártipke  salıw  sistemasın  bunnan

bılay da jetilistiriw haqqında»ǵı qararınıń mazmun-mánisin keń

jámiyetshilikke jetkeriwge baǵıshlanǵan májilis bolıp ótti.

Qaraqalpaqstan  Respublikası  Joqarǵı  Keńesi  Baslıǵınıń

orınbasarı  A.Hamraev  basqarıp  barǵan  ilajǵa  mápdar

ministrlikler,  kárxana  hám  mákemelerdiń,  jámiyetlik

shólkemlerdiń  basshıları,  qala  hám  rayon  hákimleriniń

orınbasarları,  puqaralardıń  ózin-ózi  basqırıw  uyımlarınıń

baslıqları  menen  belsendileri,  ǵalaba  xabar  qurallarınıń

---

wákilleri  qatnastı.

Atap ótilgenindey, Ózbekstan Respublikası Prezidentiniń 2017-

jıl  3-fevraldaǵı  «Máhálle  institutın  bunnan  bılay  da

jetilistiriw  ilajları  haqqındaǵı»  Pármanı  puqaralardıń  ózin-

ózi  basqarıw  uyımlarına  júklengen  wazıypalardı  nátiyjeli

orınlaw, olardıń jumısın muwapıqlastırıw, mámleketlik uyımlar

hám  puqaralıq  jámiyeti  institutları  menen  óz-ara  birge

islesiwin bunnan bılay da bekkemlewde ayrıqsha áhmiyetke iye

boldı.  Prezidentimizdiń  2017-jıl  13-iyuldegi  qararına

tiykarında puqaralardıń ózin-ózi basqarıw uyımlarına júklengen

wazıypalardıń  ámelge  asırılıwına  múnásip  úles  qosqan  intalı

puqaralardı  hám  jámiyetlik  strukturalardıń  wákillerin

xoshametlew  maqsetinde  «Mahalla  iftixori»  kókirek  belgisi

engizilgen  edi.  Bıyılǵı  jılı  respublikamızdan  15  belsendi

puqara  usı  kókirek  belgisine  múnásip  dep  tabıldı.  Ilajda

sıylıqlar  óz  iyelerine  saltanatlı  jaǵdaydı  tapsırıldı.

---

Kún tártibindegi ekinshi másele boyınsha Toylar, shańaraqlıq

saltanatlar,  mereke  hám  máresimlerdiń  ótkeriliwin

muwapıqlastırıw  boyınsha  respublikalıq  komissiyanıń  aǵzası,

Ózbekstan  Respublikası  Densawlıqtı  saqlaw  ministriniń  

birinshi orınbasarı B.Yusupaliev, «Nuraniy» qorı Qaraqalpastan

Respublikası  bóliminiń  baslıǵı  Sh.Usnatdinov,  Puqaralardıń

ózin-ózi  basqarıw  uyımları  jumısın  muwapıqlastırıw  boyınsha

Qaraqalpaqstan Respublikası Shımbay rayonlıq Keńesi baslıǵınıń

birinshi orınbasarı B.Abdullaev, Tashkent pediatriya medicina

institutı Nókis filialınıń direktorı,  Oliy Majlis Senatınıń

aǵzası  O.Ataniyazova  shıǵıp  sóylep,  Oliy  Majlis  Nızamshılıq

palatası  hám  Senat  Kengashlarınıń  usı  jıl    14-sentyabrdegi

«Toylar,  shańaraqlıq  saltanatlar,  mereke  hám  máresimlerdiń

ótkeriliwin  tártipke  salıw  sistemasın    bunnan  bılay  da

jetilistiriw  haqqında»ǵı  qararınıń  mazmun-mánisine  hám  onıń

áhmiyetine  toqtap  ótti.

Toy-eldiń  ǵáziynesi.  Xalqımızda  tapqan-tutqanıń  toyǵa

buyırsın,  degen  danalıq  gáp  bar.  Degen  menen  sońǵı  jılları

toylar,  shańaraqlıq  saltanatlar,  mereke  hám  máresimlerdi

---

ótkeriwde dábdebepazlıq kim ozarlıq illetleri, orın almaqta.

Atap  ótilgen  qarardıń  tiykarǵı  mazmunı,  toy-merekelerimizdi

milliy  salt-dástúrlerimizge  say  ımshamlı,  ısırapgershiliksiz

ótkeriw  bolıp  tabıladı.

Qarardıń orınlanıwın támiyinlew maqsetinde úsh baǵdar boyınsha

20  bántten  ibarat  «Jol  kartası»  islep  shıǵılıp,  mápdar

ministrlikler  menen  uyımlarǵa  anıń  wazıypalar  belgilep

berilip,  orınldanıwı  qadaǵalawǵa  alındı.  Qarardıń  mazmun-

mánisine  hám  onıń  áhmiyetin  keń  jámiyetshilikke  jetkeriw

boyınsha  jumısshı  topar  dúzilip,  qala  hám  rayonlarǵa

juwapkerler bekitildi. Sonıń menen birge, qarardıń orınlanıwın

támiyinlew boyınsha  alıp barılǵan jumıslar,  bul baǵdarda 

keń  jámiyetshiliktiń  pikirin  ǵalaba  xabar  quralları  arqalı

xalıqqa  jetkeriw  maqsetinde  Media-reje  islep  shıǵıldı.

Ilajda  toylar,  shańaraqlıq  saltanatlar,  mereke  hám

máresimlerdi  ıqshamlı,  ısırapgershiliksiz  ótkeriw  boyınsha

tiyisli  qarar  qabıl  etildi.

---