To‘siqlarga qaramay sevdik "Factor press" nashriyoti

Bir kuni o'zing kabilarga 
yo'liqishingni tilab qolaman...
70

---

Mirach  Chag'ri  Oqtosh
O'limni sira xushlamadim
Ma'lumki,  hammamiz  bir  kun  kelib  o'limni  tatib 
ko'ramiz,  ammo  men  bu  jarayonni  sira  xushlamayman. 
Odamni  sevgan  insonlaridan  judo  qiladigan,  bag'ridan 
yulib  oladigan  va  og'ir  sukunatni  yuzaga  keltiradigan 
o'limni  sira  xushlolmadim.  Ayniqsa,  hayotiga  nuqta 
qo'yilgan yosh bolalarning o'limiga sira rozi bo'lolmadim. 
Hali  bolalik  davrini  surib  ulgurmagan,  bahor  kelganida 
qo'shnilarning  eshigiga  boychechak  aj^ib  borolmagan, 
maktabga  borib,  alifboni  o'rganolmagan  bolalarning 
yoqasiga  yopishadigan  o'limni  sira  hazm  qilolmadim. 
Ayniqsa,  eng  a w a l  begunoh  va  ma’sum  insonlarni  olib 
ketadigan o'limni sira xushlamadim. Va hammasidan ham 
bizga Allohning omonati bo'lgan ayollarga yopishgan o'lim 
balosini sira qabul qilolmadim.
Hayot ekanligiga  qaramay men uchun bir o'likdan 
farqi bo'lmagan, hatto  ota deyishimga ham  arzimaydigan 
bir  insonning  bizni  nochor  holimizda  tashlab  ketganini 
qabul  qilolmadim.  Ota  degan  odamining  mehrini  bir 
kun  ham  his  qilmagan  insonlarning  olgan  jarohatlarini 
qabul  qilolmadim.  Ko'chalarda  dir-dir  titragan  qarovsiz 
hajn^onlarning  nochorligini  qabul  qilolmadim.  Qo'shnisi 
ochlikdan  o'lar  holda  ekan,  o'zi  to'q  uxlaganlarni  qabul 
qilolmadim.  Baham ko'rmaydiganlarni qabul qilolmadim. 
Aslini  olganda  men  ko'p  narsani  qabul  qilolmadim. 
Hayotdan  boshqa.  Hayotni  va  hayotga  doir  narsalarni 
baham ko'rishni biladiganlardan boshqa.