Тошпти эпидемиология, юкумли касалликлар кафедраси 3 курс Ўта хавфли инфекцияларда эпидемияга қарши чора-тадбирларни ташкиллаштириш. Вабо, Ўлат, КЎйдирги, геморрагик иситма ва бошқа касалликлар

ВАБО ЭТИОЛОГИЯ ВА ПРОФИЛАКТИКАСИ

• ВАБО – ўткир юқумли, карантин касаллик бўлиб, соғлом одамга фекал-орал механизми билан сув, озиқ - овқат орқали юқадиган, ич кетиш, гастроэнтерит, сув ва электролитлар алмашинувининг бузилиши, организмнинг сувсизланиши ва токсикоз белгилари билан характерланади.

Клиник мезонлари:

• Ич кетиш ёки қусиш белгилари кузатиладиган, ҳар хил оғирлик даражасида кечувчи касаллик.

Лаборатория мезонлари:

• Бемор нажасидан ёки қусуқ материалидан Vibrio Cholerae 01 ёки 0139 токсиген штаммларининг ажратилиши ёки касалликнинг ўткир ва бошланғич даврида, қон зардобида вибрионларга ёки уларнинг токсинига қарши антителолар титрининг ўсиши;
• Касалликнинг оҳирида ва тузалиш даврида, вабога қарши эмланмаган беморлар қон зардобида вибрионларга ёки уларнинг токсинига қарши антителолар титрининг камайиши.

Вабо қўзғатувчиси:

• Вабо қўзғатувчиси – таркибида заҳарли модда тутувчи, эпидемик тарқалиш хусусиятига эга 01 серо гурухига мансуб бўлган вабо вибрионларининг токсиген штаммларидир.
• Ушбу микроорганизмларнинг V. Cholerae cholera (классик вабо вибриони), V. Cholerae eltor ва V. Cholerae 0139 серогуруҳлари вабо касаллигини чақиради.
•  

• Вабо вибрионлари – иссиқликка чидамли, вибрион танасида жойлашган, соматик 0-антиген, шунингдек, вибрион хивчинларида жойлашган, иссиқликка чидамсиз H-антиген сақлайди.
• H-антиген барча вибрионларда бўлади. 0-антиген фақат вабо вибрионларига хос бўлган антигендир.
• Патоген вабо вибрионларини аниқлашда 0-агглютининли диагностик зардобдан фойдаланилади.
• Япониялик олимлар 01 вабо вибрионининг соматик 0-антигени турлича эканлигини аниқлашган ва шу асосда 01 вабо вибрионини 3 та серологик турларга бўлишган (Огава, Инаба ва Гикошима).
• Вабо вибрионларининг турларини ва серологик вариантларини агглютинация реакцияси ёрдамида махсус диагностик зардоблар билан аниқланади.
• Вибрионларнинг биологик вариантлари, уларнинг қайси фагларни эритишига қараб аниқланади.
• Вабо вибрионларида иссиқликка чидамли эндотоксин ва иссиқликка чидамсиз экзотоксинлар бўлади.
• Вабо вибрионлари ташқи муҳитда чидамли, сувда бир неча кун сақланиши мумкин, ушбу вибрионлар намлик ва ишқорий шароитда яхши сақланади.
• Қуритилганда, қайнатилганда ва кислотали муҳитда тез нобуд бўлади.