Toshkent yangiyul poligraph service

Shisha xomashyosining asosiy komponenti soda bo'lib, natriy sulfatga nisbatan o'zining ko'pgina texnik ustunliklarga ega. Masalan, soda 85 ГС da suyuqlansa, natriy sulfat esa 885°C da suyuqlanadi, bundan tashqari soda suyuqlanishi bilanoq Si0₂ bilan birikib, C0₂ ajratib chiqaradi. Natriy sulfat esa parchalanmay suyuqlanadi va 1200°C dagina parchalanadi, demak, ko‘p energiya sarflanadi. Yana soda tarkibida 58,5 % Na₂0 bo‘lsa, Na₂S0₄ tarkibida esa 43,6 % Na₂0 bor, demak, Na₂S0₄ ko‘p miqdor talab qilinadi. Agar soda o'miga Na₂S0₄ishlatilsa, unga ko‘mir ham qo‘shish kerak bo'ladi. Bunda, natriy silikat quyidagi tenglamaga muvofiq hosil bo‘ladi.

2Si0₂+2Na₂S0₄+C=2Na₂Si0₃+C0₂T+2S0₂T

Rangli shishalar olish uchun shixtaga turli bo‘yoqlar (turli metall oksidlari, ular shishada eriydi) qo‘shiladi. Masalan, temir oksidi shishani sariq yashil rangga bo‘yaydi, Mn0₂ — binafsha , MnO — och sariq yoki qizil, nikel oksidi — qizil-qo‘ng‘ir, kaliy oksidi — binafsha, kobalt oksidi — ko‘k ranglarga bo‘yaydi. Bulardan tashqari shixtaga 25—30%gacha shisha siniqlari qo'shiladi.Tiniq bo'lmagan, oq — sutsimon shishalami olish uchun shixtaga so'ndiruvchilar: masalan, qalay oksidi, kalsiy fosfat, kriolit, talk, surma va ftor birikmalari qo'shiladi. Bunda, ular shisha suyuqlanganda unga erib o'tadi, qotayotganda esa mayda kristallchalar shaklida ajralib chiqadi. Xomashyo quritiladi, maydalaniladi, kukun holiga keltiriladi va elanadi. Qum tarkibidagi tuproq zarralari va temir oksidlarini yuqotish uchun yuviladi. Shishaning tarkibidagi moddalaming hammasi qo'shilib, yaxshilab aralashtiriladi. Tayyor shixta vannasimon pechlarga solinib pishiriladi. Shishani pishirish deb bir jinsli shisha massasi hosil bo‘lguncha shixtani suyuqlantirish jarayoniga aytiladi. Shishani pishirganda murakkab fizik-kimyoviy jarayonlar boradi. Shixta qizdirilganda (Na₂C0₃, CaC0₃, MgC0₃ va Si0₂ lardan) qisman qo‘sh tuzlar hosil bo‘ladi: