Toshkent yangiyul poligraph service

Olinish usullari. Oltingugurt eramizdan ilgari II asrlardan boshlab vulqon jinsi (vulqon otilishi natijasida paydo bo‘lgan jins) sifatida ma’lum bo‘lgan. U birikmalar — sulfidlar, sulfatlar shaklida minerallar holida uchraydi. Tabiiy ko‘mir, neft va oqsil moddalari tarkibida (ayniqsa, soch, par, jun kreatinida ko‘p bo‘ladi) uchraydi.

Tug‘ma oltingugurt tarkibida uning miqdori 30 % dan oshmaydi. Shuning uchun u boyitiladi. Ruda maydalanadi va kerosin bilan flotatsiyalanadi. Olingan konsentrat (80 % S saqlaydi) 6 atm. bosimda suv bug‘i bilan avtoklavda ishlov berilib, oltingugurt suyuqlantirib (oltingugurtning suyuqlanish harorati 112,8°C) ajratib olinadi. Shunday yo‘l bilan 98,6—99,3 %li sof oltingugurt olinadi. Oltingugurt to‘g‘ridan-to‘g‘ri yer ostiga 170°C gacha qizigan bug‘ yuborish orqali ham suyuqlantirib olinadi.

Oltingugurt mis rudalariga (mis rudasi asosan pirit — FeS₂ dan va kamroq xalkopirit — CuFeS₂dan iborat) koks qo^£shib qizdirish orqali olinadi. Bunda, pirit qizdirilganda parchalanadi:

2FeS=2FeS+S₂

FeS ning oksidlanishidan hosil bo‘lgan S0₂ gazi esa koks bilan qaytarilib oltingugurt hosil qiladi.

Oltingugurt yana H₂S ni chala oksidlash yo‘li bilan ham olinadi. Bu usulda oltingugurt olish Fransiya, Rossiya va 0‘zbekistonda keng tarqalgan.

2.