|
Turistik qishloqlar
Turistik qishloqda yashash qishloq hayotini ichidan ko‘rish uchun ajoyib imkoniyatdir. Qushlarning sayrashi bilan uyg‘onish, eng tabiiy nonushta tatib ko‘rish, maysazorga yotish va moviy osmonga tikilish, palov qanday qilib o‘choqda pishirilishini, sigir qanday sog‘ilishini ko‘rish va hosil yig‘ishda ishtirok etish, kulolchilik mahsulotlari qo‘lda qanday yasalishini yoki eski texnologiyalar yordamida dunyodagi eng chiroyli ipak qanday tayyorlanishini ko‘rish – bularning barchasidan turistik qishloqda yashab bahramand bo‘lish mumkin.
O‘zbekistondagi shahar va qishloqlarning asosiy afzalligi shundaki, ular asliyligini va o‘ziga xosligini saqlab qolishgan. Shu bilan O‘zbekiston ko‘plab sayyohlar uchun jozibador.
O‘tov manzilgohlari
Agar siz O‘zbekistonning shimolidagi xalqlarning hayoti va madaniyatida ishtirok etishni istasangiz, go‘zal tabiat fonida mahalliy aholining ko‘p asrlik urf-odatlari va turmush tarzini o‘rganmoqchi bo‘lsangiz, turar joyingiz uchun o‘tovlar manzilgohlarni tanlang.
Anʼanaviy o‘zbek o‘tov manzilgohlari ko‘chmanchi aholining anʼanaviy mahzilgohlari shaklida qurilgan.
Uylarda yashash mutlaqo ekologik jihatdan toza, ularni ishlab chiqarishda faqat tabiiy materiallar, jumladan, yog‘och va kigiz ishlatiladi. Har bir o‘tov taxminan 5 kishiga mo‘ljallangan.
O‘tov manzilgohda yashab o‘zingizni sivilizatsiya poyonida, zamonlar aro sayohat qilib, bir paytlar karvonlari shu erlardan o‘tgan ko‘chmanchi va savdogarlar orasida, Ipak yo‘li uforini his etasiz.
Odatda o‘tov manzilgohlarida qolish turli xil ekzotik xizmatlarni ham o‘z ichiga oladi: tuya minish, kuniga uch mahal ovqatlanish, cheksiz yulduzli osmon ostida va milliy folklor namoyishlari bilan gulxan atrofida va tabiat qo‘ynidagi sayrlar shular jumlasidandir.
Bundan tashqari, yaqin atrofdagi qishloqqa sayr qilishingiz va mahalliy aholining kundalik hayoti va madaniyatining xususiyatlari bilan tanishishingiz yoki masalan, qadimiy qalʼani ko‘rishingiz mumkin.
O‘zbekistondagi eng mashhur o‘tov mahzilgohlar qatoriga «Aydarkul» ko‘lidan 10 km uzoqlikda joylashgan «Aydar», Nurato shahri yaqinidagi “Safari”, Orol bo‘yidagi “Mo‘ynoq”, Ayoz qalʼa yaqinidagi “Ayoz qalʼa” va boshqalar kiradi.
Samarqandda ikkita 5 yulduzli, ikkita 4 yulduzli mehmonxona, toʻrtta butik mehmonxona, restoranlar va doʻkonlardan tashkil topgan “Turistik markaz” qurilmoqda. Bundan tashqari, rasmiy va tantanali tadbirlarni oʻtkazish uchun moʻljallangan Kongress xoll ham barpo etilmoqda.
Ushbu kompleks toʻligʻicha Samarqand shahrining turistik salohiyatini oshirishga yoʻnaltiriladi. Majmua 212 gektar maydonni egallagan. Mehmonxona nomerlarining umumiy soni esa 1190 tani tashkil etishi kutilmoqda.
Samarqand turizm markazi hududida eski Samarqand qiyofasini takrorlaydigan “Abadiy shahar” tarixiy majmuasi ham mavjud.
Turistik markazdan M39 asosiy avtomagistraligacha olib chiqadigan parallel yoʻl quriladi. Majmua hududidan oqib oʻtuvchi kanaldan tarixiy hududga olib boradigan yoʻl ham ochiladi. Samarqandning eski qismida joylashgan sunʼiy koʻl ham sayyohlar eʼtiborini tortadigan yana bir obyekt hisoblanadi.
Turistik markaz uchun jalb qilingan 4000 dan ortiq mutaxassislardan ishchi xodimlar - 3678 kishini, muhandislar va texniklar - 322 kishini, shundan mahalliy aholi vakillari - 3600 kishini, chet ellik mutaxassilar - 400 kishini tashkil etmoqda. Texnik resurslar soni esa 500 tadan ortiq.
Agroturizm
Sarguzashtlar va tabiatni yaxshi ko‘rasizmi? O‘zbek qishloqlarida yashashga qanday qaraysiz? Buning iloji bor.
Siz maʼlum bir mintaqaga kelasiz, qishloqda yashaysiz va fermer xo‘jaliklari egalari bilan qanday dehqonchilik qilishni o‘rganasiz. Taklif qilinayotgan sayohatlarning ko‘plab variantlari mavjud – chorvachilikdan (otchilik, qoramolchilik, baliqchilik, parrandachilik) sabzavot va mevalarni yetishtirishgacha.
Toza tabiat qo‘ynida faol dam olish, ko‘plab qiziqarli taassurotlar va his-tuyg‘ularga berilishdan yaxshiroq narsa bor ekanmi sayohatchilar uchun.
Do'stlaringiz bilan baham: |
