Toshkent viloyati Chirchiq davlat pedagogika instituti Gumanitar fanlar fakulteti O‘zbek tili va adabiyoti yo‘nalishi

Toshkent viloyati Chirchiq davlat pedagogika instituti
Gumanitar fanlar fakulteti O‘zbek tili va adabiyoti yo‘nalishi
3-kurs talabasi Hakimov Bobur Yangiboy o‘g‘liga
TAVSIYANOMA
Hakimov Bobur Yangiboy o‘g‘li 1994-yilda Samarqand viloyati Qo‘shrabot tumanida tug‘ilgan. Millati o‘zbek. 2009-yil Samarqand viloyati Qo‘shrabot tumanidagi 12-umumiy o‘rta ta’lim maktabini a’lo baholarga tugatgan. 2013-yilda Qo‘shrabot maishiy xizmat kasb hunar kollejining informatika yo‘nalishini qizil diplom bilan tamomlagan. 2016-2017-yillarda 75/34 harbiy qism, qorovul qo‘shinlarida xizmat burchini o‘tab, harbiy tavsiyanoma bilan qaytgan.
2019-yilda Toshkent viloyati Chirchirq davlat pedagogika instituti Gumanitar fanlar fakulteti “O‘zbek tili va adabiyoti” yo‘nalishiga o‘qishga davlat granti asosida qabul qilindi. B.Hakimov o‘quv jarayonida o‘zining faolligi, tashabbuskorligi bilan fakultet talabalari orasida ajralib turadi. U institut va fakultet miqyosidagi ma’naviy-ma’rifiy tadbirlarida faol ishtirok etib kelmoqda. Shu bilan birga B.Hakimov 2021-yildan to hozirgi kunga qadar TVChDPI 5 muhim tashabbus markazida o‘z ish faoliyatini yuritib kelmoqda.
B.Hakimov ilmiy rahbari filologiya fanlari nomzodi Xolikova Nodira Djoxongirovna bilan birgalikda ilmiy-tadqiqot ishlarini ham olib bormoqda. Ayni vaqtda u ilmiy rahbari bilan hammualliflikda “Jahon adabiyoti o‘quv kursida Sharq adiblari ijodini o‘rganish” nomli o‘quv-uslubiy qo‘llanma ustida ish olib bormoqda.
B.Hakimov “Talabalikka bag‘ishlov”, “O‘zbek tili haftaligi”, “Navruz sayli”, “Sumalak sayli”, “9-may – Xotira va qadrlash kuni”, “Bir oyda 10 kitob, 1 yilda 100 kitob bilan do‘stlashdim”, “Sport – sog‘lik garovi” va boshqa ko‘plab tadbirlar ishtirokchisidir. U Samarqand viloyatida 2020-yilda bo‘lib o‘tgan Yosh volontyorlar festevalida ishtrok etgan. Andijonda o‘tkazilgan talabalar Forumi ishtrokchisi. Institut va fakultet miqyosidagi “Zakovat” , “Kitobxonlik”, “QVZ” va Talabalar turar joyida talabalarning bo‘sh vaqtini samarali o‘tkazishga qaratilgan ma’naviy-marifiy tadbirlar hamda mahalla yoshlari o‘rtasida o‘tkazilgan 5 muhim tashabbus olimpiadasi, “QVZ” ko‘rik tanlovlarida bosh hakam vazifasini bajargan. Boshqa bir qancha tadbirlarni ham tashkil etishda o‘zi bosh bo‘lgan. Hozirda Toshkent viloyatida “Quvnoqlar va Zukkolar”, Kitobxonlik tanlovlarining kordinatoridir. Bugungi kunga qadar Bobur Hakimov tomonidan 20 ta xalqaro va respublika miqyosidagi maqola va tezislar turli xil ilmiy jurnal hamda anjuman materiallarida nashr ettirilgan. 4 ta maqolasi xalqaro va respublika jurnallariga nashr etish uchun berilgan. Shuningdek, institut tomonidan chop etilgan “Qalbim kuylari” talabalar ijodidan namunalar kitobida o‘z she’rlarini chop ettirgan. B.Hakimov 90 ga yaqin sertifikat va diplomlar sohibi.
Bobur Hakimov respublikamizda boshlangan karantin davrida institut va fakultet tomonidan tashkil etilgan “Ma’naviyat haftaligi” doirasidagi tadbirlarda faol ishtirok etgan.
Bobur Hakimov har bir ishga jiddiy kirishadigan, oldiga qo‘ygan maqsadlariga erishish yo‘lida qiyinchiliklarni yengadigan, duch kelgan muammolarga munosib yechim topa oladigan va ko‘p jihatlari bilan kursdoshlariga ibrat bo‘layotgan talaba. Hakimov Bobur Yangiboy o‘g‘li fanlarni a’lo baholarga o‘zlashtirgan.
Yuqorida keltirilgan ma’lumotlarga asoslanib, Hakimov Bobur Yangiboy o‘g‘lini Navoiy nomili Davlat stipendiyasi nomzodligiga tavsiya etaman.