Тошкент вилояти чирчиқ давлат педагогика институти ҳузуридаги илмий даражалар берувчи dsc

Жисмоний тарбия ўқитувчилари ва спорт таълими муассаса-ларининг тренер-ўқитувчиларига қуйидаги саволлар билан мурожаат қилдик.
1. Жисмоний тарбия ва спорт бўйича педагог ходимларнинг хотин-қизларни жисмоний-эстетик тарбиялашдаги ўрни қай даражада?
2. Ўзини-ўзи бошқаришда ва хотин-қизларни жисмоний-эстетик тарбиялашда мимика ва хатти-ҳаракатнинг ўрни қандай?
3. Хотин-қизларни жисмоний-эстетик тарбиялашда тўсиқ бўлувчи омиллар қайсилар?
4. Хотин-қизлар характери, феъл-атвори ва темпераментининг ўзига хос жиҳатларини биласизми?
5. Саволлар, эътирозлар ва уларга жавоб бериш қоидалари.
6. Жамоани шакллантиришда хотин-қизларнинг қайси жиҳатларига эътибор бериш лозим?
Хотин-қизлар орасидан олинган савол-жавоблар
1. Нима сабабдан сиз жисмоний тарбия ва спорт билан шуғулланмайсиз? Деган саволимизга қизларимизнинг 10% и хоҳламайман, 60 % и ота-онам рухсат бермайди, 30% и бўлса аёл тренерлар йўқлиги учун деб жавоб берди.
2. Агар сиз жисмоний тарбия дарсига ва спорт машғулотларига қатнашсангиз, машғулотларни қайси жинс вакили, ўқитувчи ёки тренер олиб боришини истар эдингиз? Бу саволимизга 81% қизлар аёл ўқитувчи, аёл тренер, 8% қизлар бўлса, эркак ўқитувчи, 11% қизларимиз нима фарқи бор, аёлми эркакми, деб жавоб берган.
3. Хотин-қизларни оммавий спортга кенгроқ жалб қилиш ва эстетик тарбиялашда аёл ўқитувчи ёки аёл тренерлар қандай тасир кўрсата олиши мумкин? Бу саволимизга хотин-қизларимиз қуйидагича жавобларни йўллаган, 52% и аёл ўқитувчи ёки тренердан уялмаслиги, 10% Қаттиқ қўллик билан дарс жараёнини ва машғулотларни олиб боради, қолган 38% и ҳар қандай ҳолатда бизларни тушунади, деб ўзларининг шахсий жавобларини берган.
4. Агарда сиз ўқитувчи ёки тренер бўлсангиз, қайси спорт туридан фаолият олиб борган бўлар эдингиз? Деган саволимизга қизларнинг 41% и Бадиий гимнастика, 23% и Волейбол, 14% и Сузиш, 11% и Бадминтон ва 11%и Енгил атлетика, деб жавоб берганлар.
5. Мактабларда эркак ўқитувчилар жисмоний тарбия дарсларини ўтиши жараёнида, кўпчилик ҳолатларда қизлар қатнашмайди, нима сабабдан деб ўйлайсиз? Деган мазмундаги саволимизга 82% қизлар аёл ўқитувчи бўлса дарс қолдирмайди, ўқитувчидан уялмайди, деган бўлса, қолган 18% эса нима фарқи бор, эркакми, аёлми деб жавоб қайтарган.