Тошкент вилояти чирчиқ давлат педагогика институти ҳузуридаги илмий даражалар берувчи phD

Тадқиқот натижаларининг жорий қилиниши. Ахборот-коммуникация технологиялари шароитида малака ошириш жараёнларини педагогик лойиҳалаштириш бўйича тадқиқот натижалари қуйидаги шаклларда жорий қилинди:
ахборот-коммуникация технологиялари шароитида олий таълим муассасалари педагог кадрларини педагогик лойиҳалаштиришга тайёрлаш жараёнларини таҳлил этиш асосида аниқланган механизмлар Олий ва ўрта махсус таълим вазирининг 2019 йил 2 ноябрдаги 1023-сон буйруғи асосида педагог кадрларни қайта тайёрлаш ва уларнинг малакасини ошириш курсларида ўқитиш натижаларини ташхис қилиш мақсадида таълим жараёнига жорий қилинди (Олий ва ўрта махсус таълим вазирлигининг 2020 йил 20 февралдаги 89-03-740 маълумотномаси). Бунинг натижасида малака ошириш жараёнларини лойиҳалаштиришнинг педагогик имкониятлари кенгайтирилди;
педагог кадрларда педагогик лойиҳалаштиришга тайёрликни шакллантириш ва ривожлантириш модели самарадорлигининг педагогик таъминоти ҳамда креатив фикрлаш, ўз-ўзини ташҳислаш, педагогик лойиҳалаштириш фаолияти компетентлигини ривожлантириш ва педагогик лойиҳалаштириш кўникмаларга устуворлик бериш мазмуни Олий ва ўрта махсус таълим вазирининг 2019 йил 2 ноябрдаги 1023-сон буйруғи асосида малака ошириш курслари фаолиятига жорий қилинди (Олий ва ўрта махсус таълим вазирлигининг 2020 йил 20 февралдаги 89-03-740 маълумотномаси). Натижада малака ошириш курслари таълим жараёнининг мазмуни такомиллаштирилган ва натижавийлиги таъминланган ҳамда педагог кадрларда лойиҳалаштириш салоҳияти ошганлиги аниқланди;
узлуксиз малака оширишнинг бевосита ҳамда касбий фаолиятга алоқадор билвосита шаклларини вариатив ва бир бирини тўлдириш тамойиллари асосида амалиётга жорий этиш бўйича тавсиялар Ўзбекистон Республикаси Вазирлар Маҳкамасининг «Олий таълим муассасалари раҳбар ва педагог кадрларининг малакасини ошириш тизимини янада такомиллаштириш бўйича қўшимча чора-тадбирлар тўғрисида»ги қарорининг 1-иловасини ишлаб чиқишда фойдаланилди (Олий ва ўрта махсус таълим вазирлигининг 2020 йил 20 февралдаги 89-03-740 маълумотномаси). Натижада педагогик лойиҳалаштиришнинг самарадорлигини таъминлаш бўйича касбий билим, кўникма ва маҳоратини узлуксиз янгилаб бориш механизмлари такомиллаштирилди.